اسلام آباد ۔ یکم فروری (اے پی پی) وزیراعظم شاہد خاقان عباسی دی صدارت اچ توانائی بارے کابینہ کمیٹی دا اجلاس وزیراعظم آفس اچ تھیا۔اجلاس اچ این ٹی ڈی سی اتے عالمی بینک دے ذریعے مقرر کیتے گئے بین الاقوامی کنسلٹنٹس ولوں بنڑائی گئی بجلی دی دستیابی اتے طلب دی صورتحال بارے رپورٹ دا جائزہ گھدا گیا۔وزیراعظم آکھیا جو گزریل ترائے سالیں اچ توانائی دے شعبے اچ نمایاں پیش رفت تھئی اے جڈانجو آندے سالیں اچ بلند ترین جی ڈی پی دے حصول دے تناظر اچ طلب تے رسد دی صورتحال دی مستقل نگرانی دی لوڑھ اے۔اجلاس اچ ہائی وولٹیج ڈائریکٹ کرنٹ مٹیاری لاہور ترسیلی لائن منصوبہ تے وی گالھ مہاڑ کیتی گئی۔اجلاس اچ فیصلہ کیتا گیا جو نویں نرخاں دی تجویز کوں بہترین بین الاقوامی ماڈلز دی بنیاد تے وضع کیتا ویسی جڈانجو بجلی دی گھٹ توں گھٹ نرخ دے تناظر اچ مسابقتی قیمتاں حاصل کیتی ویسن۔
