آٹوا ۔15 فروری (اے پی پی) وزیر تجارت پرویز ملک کینیڈا دے صوبہ اونٹ ریوئے دے وزیر بین الاقوامی تجارت مائیکل جان نال ملاقات کیتی ۔ ملاقات اچ پاکستان اتے اونٹ ریوئے وچال تجارتی تعلقات تے تبادلہ خیال کیتا گیا۔ انہاں مائیکل جان کو ںپاکستان دی موجودہ حکومت ولوں متعارف کرائی ونجڑ آلی اقتصادی اصلاحات دے نتیجہ اچ تھیونڑ آلی معاشی ترقی بارے ڈسایا۔انہاں پاکستان اچ موجود تجارتی تے سرمایہ کاری دے مواقع بارے وی آگاہ کیتا۔ انہاں ڈسای جو کینیڈا دی وفاقی کابینہ دے ارکان خصوصاً وزیر بین الاقوامی تجارت فرانکوئس فلپ شیمپن نال انہاں دیاں ملاقاتاں چنگیاں رہیاں۔ انہاں آکھیا جو پاکستان مارکیٹ تئیں رسائی، تجارتی وفداں دے تبادلاں اتے ڈوہائیں ملکاں دے چیمبرز آف کامرس اینڈ انڈسٹری وچال تعاون نال ڈوہائیں ملکاں وچال تجارتی تعلقات کو ںودھاونڑ دے خواہشمند ہسے۔ پاکستان ا چ سیکیورٹی دی صورتحال اچ چنگی تھیونڑ دے نتیجہ اچ براہ راست غیر ملکی سرمایہ کاری اچ ودھارا تھیندا پئے ۔ اونٹ ریو اچ رہونڑ آلے پاکستانیاں دی وڈی تعداد ڈوہائیں ملکاں وچال تجارتی تعلقات اچ ودھارے اچ اہم کردار ادا کر سگدن ۔اونٹ ریو ایک وڈا کاروباری تے صنعتی مرکز ہے اتے پاکستان ایندے نال اپنڑے تجارتی تعلقات مضبوط کرنڑ چاہندے ۔ ایں موقع تے مائیکل جان اونٹ ریو اچ رہونڑ آلے پاکستانیاں دے صوبے دی ترقی اچ کردار دی تعریف کیتی ۔ انہاں آکھیا جو اساں اپنڑے صوبے اچ آ ونڑآلے پاکستانی طلبہ کو ںخوش آمدید آدھوں ۔ انہاں وزیر تجارت پرویز ملک دی ڈوہائیں ملکاں دے اداریاں وچال تجارت اچ ودھارے دی تجویز نال اتفاق کیتا۔
