اسلام آباد ۔ 19 فروری (اے پی پی) وزیر خارجہ خواجہ محمد آصف اپنڑے روسی ہم منصب سرگئی لاﺅروف دی دعوت تے 19 توں 22 فروری تئیں روسی فیڈریشن دا دورہ کریسن۔ ماسکو اچ اپنڑے قیام دے دوران وزیر خارجہ اپنڑے روسی ہم منصب نال باضابطہ مذاکرات کریسن۔ ڈوہائیں رہنماواں وچال آپس دے تعلقات سمیت علاقائی تے عالمی امور تے خیالیں دا کیتا ویسی۔ سونوار کوں ترجمان دفتر خارجہ ولوں جاری بیان مطابق وزیر خارجہ داا یہ دورہ سیاسی، اقتصادی، تجارتی، سرمایہ کاری، دفاعی، تعلیمی اتے ثقافتی شعبیاں اچ تعاون کوں بیا پکا کرنڑسانگے طریقے لبھنڑدا موقع فراہم کریسی۔ واضح رہوے جو روس کوں اساڈی خارجہ پالیسی اچ خصوصی مقام حاصل ہے۔ ڈوہائیں ملکاں دے تعلقات سارے شعبیاں اچ ودھدے پن ۔ گزریل کجھ سالاں اچ ڈوہائیں ملکاں وچال اعلیٰ سطح دے باقاعدہ تبادلے، سیاسی خیر سگالی رابطیاں کوں پکا کرنڑ اتے کثیر الجہتی شراکت داری ودھاونڑ سانگے ڈوطرفہ خواہشاں رکھیندن۔ ڈوہائیں ملک ایں سال سفارتی تعلقات دے قیام دی 70ویں سالگرہ وی منیندے پن ۔ ڈوہائیںوزرائے خارجہ ایں توں پہلے ستمبر 2017ءاچ نیویارک اچ اقوام متحدہ دی جنرل اسمبلی دے اجلاس دے موقع تے وی ملاقات کیتی ہائی۔
