اسلام آباد۔ 13 فروری (اے پی پی) وزیر مملکت اطلاعات، نشریات، قومی تاریخ و ادبی ورثہ مریم اورنگزیب آکھیا جو ووٹ دے تقدس اتے عدل دی بحالی دی تحریک دا جیڑھا وعدہ کیتے ،اوں تحریک دی جت دی پہلی نوید لودھراں دے الیکشن نال آئی اے،پاکستان دی عوام محمد نواز شریف دے رلے کھڑی اے اتے نااہلیت کینویں اہلیت اچ بدلدی پئی اے،اے پورا پاکستان ڈیکھدا پئے۔لودھراں اچ پاکستان مسلم لیگ ن دی کامیابی انہاں وعدیاں دی تکمیل پاروں تھئی اے جیڑھے وعدے 2013ءاچ محمد نواز شریف اتے پاکستان مسلم لیگ ن پاکستان دی عوام نال کیتے ہن ۔اے سمجھنڑاں چاہیدے جو پاکستان دی عوام ووٹ کئیں کوں ڈیسن ،سی پیک گھن آونڑ آلے کوں یا کنٹینر سجاونڑ آلے کوں،دہشت گردی مکاونڑ آلے کوں یا پارلیمان تے حملہ کرنڑ آلے کوں،اے فرق عوام سمجھ گئی اے اتے ایں نال لودھراں اچ پاکستان مسلم لیگ(ن) کوں جت ملی اے۔منگل کوں اتھاں احتساب عدالت دے باہر میڈیا نال گالھ مہاڑ کریندیں ہوئیں انہاں لودھراں دے رہنڑ آلیاں کوں مبارکباد ڈتی۔
