کراچی ۔ 27 فروری (اے پی پی) وزیر مملکت فنانس اینڈ اکنامک افیئرز رانا محمد افضل خان آکھیے جو وفاقی حکومت اعلیٰ تعلیم کوں ودھارا ڈیونڑ سانگے ہائیر ایجو کیشن کمیشن دا فنڈز 3گنا ودھاڈتے جیں کوں مزید ودھایا ویسی ،این ای ڈی یونیورسٹی ملک دا بہترین ادارہ اے ، اساں ڈے سرکاری ملازمت کو ںترجح ڈتی ویندی اے جڈاں جو باہرلے ملکاں اچ پرائیویٹ سیکٹر کوں پرکشش سمجھیا ویندے ، ہائر ایجوکیشن کمیشن ہر سال 11 ہزار 500 طالب علماں کوںا انٹرنیشنل اسکالر شپ تے تعلیم دے موقع ڈیندا پے ۔ اے گال انہاں منگل کوں این ای ڈی یونیورسٹی اچ” انٹر نیشنل کانفرنس آن ایمرجنگ ٹرینڈز ان ٹیلی کام اینڈ الیکٹرونک انجینئرنگ “دی تقریب نال خطاب تے بعد اچ میڈیا نال گال بات کریندے ہوئیں آکھی ۔ رانا محمد افضل خان آکھیا جو موجودہ حکومت جڈاں اقتدار اچ آئی تاں اوں بئے مسلے حل کرنڑ دے نال نال تعلیم دے شعبے کوں وی اپنڑی ترجیح ڈتی ۔انہاں آکھیا جو چار سالاں اچ ایچ ای سی دا فنڈ 3گنا ودھایا گے ایں کوں 35ارب توں 108ارب تئیں ودھایا گے تے اساں اینکوں مزید ودھسیوں ۔
