وفاقی حکومت گلگت بلتستان دی عوام دی سماجی تے اقتصادی ترقی اتے بہبود سانگے پرعزم اے، وزیراعظم شاہد خاقان عباسی دی وزیراعلیٰ گلگت بلتستان حفیظ الرحمن نال ملاقات اچ گال بات

اسلام آباد ۔ 15 فروری (اے پی پی) وزیراعظم شاہد خاقان عباسی ایں امر دا اعادہ کیتے جو وفاقی حکومت گلگت بلتستان دی عوام دی سماجی تے اقتصادی ترقی تے بہبود سانگے پر عزم اے، پاک چین اقتصادی راہداری ( سی پیک) منصوبے نال علاقے دے لوکاں سانگے نویں اقتصادی موقع پیدا تھیسن۔ انہاں اے گال وزیر اعلیٰ گلگت بلتستان حفیظ الرحمن نال گال بات کریندے ہوئیں آکھی جنہاں خمیسکوں وزیراعظم آفس اچ انہاں نال ملاقات کیتی ۔ وفاقی وزیر امور کشمیر و گلگت بلتستان چوہدری برجیس طاہر، ڈپٹی چیئرمین پلاننگ کمیشن سرتاج عزیز اتے سینئر حکام وی ایں موقع تے موجود ہن۔ وزیر اعلیٰ گلگت بلتستان وزیراعظم کوں سی پیک دے تحت کجھ اہم منصوبیں سمیت مختلف ترقیاتی منصوبیں دا ڈسایا ۔ گلگت بلتستان اچ بجلی دی صورتحال بارے بریفنگ ڈیندے ہوئیں حفیظ الرحمن آکھیا جوموجودہ حکومت گزریل ڈو سالاں اچ موجودہ 82 میگاواٹ بجلی جیرھی جو گزریل سال 70 سال نال علاقے اچ پیدا کیتی ویندی پئی ہئی، اچ54 میگاواٹ دا ودھارا کر ڈتے ۔ انہاں وزیراعظم کوں ڈسایا جو بجلی دے واجبات دی وصولی اچ بہترئی آئی اے تے ایں وقت وصولیاں 80فیصد دے نیڑے ہن ۔انہاں آکھیا جو علاقائی پاور گرڈ دے قیام تے وی کم جاری اے ۔ وزیرا علیٰ آکھیا جوسی پیک منصوبے دے تحت 180میگاواٹ دی استعداد دے 2 مجوزہ بجلی منصوبہ جات علاقے دی توانائی دیاں ضرورتاں کوں پوراکرنڑ اچ معاون ثابت تھیسن ۔ وزیر اعلیٰ کینسر ہسپتال، میڈیکل کالج اتے کارڈیالوجی سنٹر دے قیام سمیت گلگت بلتستان دے عوام سانگے مختلف وڈے وڈے منصوبیں تے پیشرفت بارے اچ وی وزیراعظم کو ں ڈسایا ۔ وزیراعظم وزیر اعلیٰ کوں یقین ڈیوایا جو سی پیک دے تحت گلگت بلتستان متعلق سارے مجوزہ منصوبہ جات کوں وختی شکل ڈیونڑ تے عمل در آمد سانگے سرگرمی نال پیروی کیتی ویسی ۔ انہاں آکھیا جودیر چترال سی پیک لنک روڈ منصوبہ کوں وی ترجیح ڈتی ویندی پی اے۔