راولپنڈی ۔ 20 فروری (اے پی پی) وفاقی وزیردفاع انجینئر خرم دستگیرخان مالی سال2018-19ءکیتے آندے دفاعی بجٹ دیان تیاریاں دا جائزہ گھدے۔انہاں کوں وزارت دفاع دے بجٹ بارے اعلیٰ افسران اتے ایڈیشنل سیکرٹری دفاع بریفنگ ڈتی۔وفاقی وزیرکوںڈسایا گیا جو آندے مالی سال دے بجٹ کیتے تیاریاں شیڈول ہین۔وزیر دفاع بجٹ دی نگرانی اچ اعلیٰ سطح آٹومیشن دی تعریف کیتی۔ انہاں وزارت دے ذیلی محکمیاں،انٹرسروسز اداریاں اتے مسلح افواج ولوں بجٹ دے استعمال کوںباقاعدگی نال اپ ڈیٹ کرنڑی دی وی تعریف کیتی۔ وزیردفاع انجینئرخرم دستگیرخان قومی سرحداں دے تحفظ کیتے مسلح افواج دے جراءتمندانہ مشن اچ ہتھ ونڈاونڑ دا عزم کیتا۔
