پاکستانی ہائی کمشنر طارق عظیم خان دی کینیڈین سینٹ دے سپیکر نال ملاقات

اوٹاوا ۔ 8 فروری (اے پی پی) پاکستانی ہائی کمشنر طارق عظیم خان دی کینیڈین سینٹ دے سپیکر جارج فیورے نال تھیونڑ آلی ملاقات اچ ڈوہیں ملکاں وچال تعلقات دے حوالے نال گال بات کیتی گی۔ اوٹاوا اچ تھیونڑ آلی ملاقات اچ پاکستانی ہائی کمشنر کینیڈین سینٹ دے سپیکر کوں خطے اچ سلامتی دی صورتحال، معاشی ترقی تے پاکستان اچ باہرلی سرمایہ کاری دے بہترین موقع دے حوالے نال بریفنگ ڈتی ۔ انھاں آکھیا جو گزریل 2 سالاں اچ ڈو پاسے تجارت 2گنا ودھ گی ہے تے مزید ودھنڑ دے موقع موجود ہن۔ ایں موقع تے کینیڈین سینٹ دے سپیکر آکھیا جو ڈوہیں ملکاں دے اداریں کوں ڈو پاسے تعلقات تے کامن ویلتھ ایکسچینج توں چنگاں فائدہ چاونڑاں چاہیدے ۔ انھاں پاکستان دے کثیرالثقافتی معاشرے دی تعریف کریندے ہوئیں آکھیا جو ڈوہیں ملکاں دے تعلقات مستقبل اچ مزید مستحکم تھیسن ۔