اسلام آباد ۔ 12 فروری (اے پی پی)پاکستان اتے سعودی عرب دی بحری فوج اچ بندرگاہ الجبیل اچ سانجھی مشق نسیم البحر الیون دا پہلا مرحلہ مُک گئیا۔مشق دا پہلا مرحلہ بحری آپریشنز دی مختلف جہتاں اچ ہم آہنگی پیدا کرنڑ سانگے ہاربرکی سرگرمیاں تے مشتمل ہئی۔ہاربرفیز اچ ڈوہیں ملکاں دی بحری فوج اچ مشق دے سی فیز ا چ کیتے ونجنڑ آلے سانجھے آپریشنز دی منصوبہ بندی کیتی گئی۔ابتدائی مرحلے اچ پاک بحریہ اتے سعودی بحریہ دے جہازاں اتے بندرگاہ تے مختلف تنصیبات تے کئی سرگرمیاں کیتی گئی۔ایں فیز اچ ڈوہیں ملکاں دی بحری فوج ایمفیبئیس لینڈنگ آپریشنز، ایسکورٹنگ آپریشنز، اسنائپر/ کیمو فلاج تکنیک اتے مائن کاﺅنٹر میژرزدی مشقاں دی منصوبہ ندی دے ماڈیولز دی ریہرسل کیتی۔پاکستان نیوی دے مشن کمانڈر اتے سعودی عرب ولوں مشقاں دے ڈائریکٹر ہاربرفیز دی ساری سرگرمیاں دی نگرانی کیتی۔ایں توں پہلے سانجھی مشقاں دی افتتاحی بریفنگ وی کیتی گئی جئیں اچ مشقاں دے ارتقا اتے مختلف مرحلیاں دی تفصیلات تے روشنی پاتی گئی۔۔ پاک بحریہ دے مشن کمانڈر اتے سعودی نیوی ولوں مشق دے ڈائریکٹر وی ایں موقع تے موجود ہن ۔ پاک ۔ سعودی مشترکہ بحری مشق نسیم البحردے مقاصداچ ڈوہیں بحری فوج اچ سانجھے آپریشن اتے دفاعی صلاحیتاں کوں ودھاونڑ،بحری قذاقی دی روک تھام، اینٹی ائیراینڈ سرفیس وارفی اتے مائن کاﺅنٹر میژرزوارفیرآپریشنز دی مشق کرنڑ شامل اے۔ہاربرفیز دے پورے تھیونڑ دے بعد مشق نسیم البحر سی فیز اچ داخل تھی ویسی۔ایں مشق دے نال نال پاک بحریہ اتے سعودی عرب دی میرینز وی سانجھی مشق دیرہ الساحل اچ حصہ گھندے پئن ۔اجوکی مشق،نسیم البحر مشق دے سلسلے دی یارہویں مشق اے جیڑھی جو 17فروری تئیں سعودی عرب دے پانیاں اچ جاری رہسی۔
