پاکستان امریکا توں امداد نئیں دہشتگردی دے خلاف قربانیاں دا اعتراف چاہندے، وزیر داخلہ احسن اقبال

اسلام آباد ۔ 9 فروری (اے پی پی) وفاقی وزیر داخلہ احسن اقبال آکھیے جوپاکستان امریکا توں امداد نئیں دہشتگردی دے خلاف قربانیاں دا اعتراف چاہندے، افغانستان اچ امن گھن آونڑ کیتے امریکا دا ہتھ ونڈاونڑ بہوں ضروری اے۔اے گالھ وفاقی وزیر داخلہ احسن اقبال بی بی سی کوں انٹرویواچ آکھی اے۔انہاں دا اآکھنڑ ہا جو ڈونلڈ ٹرمپ دا پاکستان مخالف ٹویٹ نامناسب ہا بھل اسلام آبادایندا سوچ سجھ تے جواب ڈتے،حکومت ہنڑوی اے سمجھدی اے جو افغانستان اچ امن گھن آونڑ کیتے پاکستان اتے امریکا دا تعاون بہوں اہم اے۔ایں توں پہلے انہاں واشنگٹن پوسٹ کوں وی انٹرویو ڈتے اتے آکھیے جوافغانستان مسلے دے حل کیتے امریکا دا ہتھ ونڈاونڑ بہوں ضروری اے، اساں دہشتگردی دے خلاف جنگ اچ وڈیاں قربانیاں ڈتین جیکوں منڑا چاہیدے،پاکستانی اینجھی قوم ہین جیں اپنڑی عزت اتے مانڑ کیتے آزادی گھدی ہئی اتے ایندے تے کوئی سمجھوتہ نہ کیتا ویسی۔ساکوں ڈالر بھاویں نہ ڈیو،ساڈیاں قربانیاں کوں ضرور منو،اساں بیا کجھ نسے چاہندے۔امریکی فوجی امداد معطلی بارے وزیر داخلہ آکھیے جو پاکستان کوں انہاں ڈینہاں کوئی امداد نہ ملدی پئی ہئی بھل اساں امریکا نال مضبوط ساجھے داری چاہندوں۔