اقوام متحدہ ۔ 7 فروری (اے پی پی) پاکستان اقوام متحدہ دی سلامتی کونسل توں اپنڑیاں قرارداداں تے عمل کراونڑ سانگے ٹھوس اقدامات دا مطالبہ کریندے ہوئیں آکھیے جو ایں عمل اچ تخصیص توں سلامتی کونسل دے نال نال اقوام متحدہ دی ساکھ وی متاثر تھیندی اے۔ اقوام متحدہ اچ پاکستان دی مستقل مندوب ڈاکٹر ملیحہ لودھی سلامتی کونسل دے کم دے طریقہ کار دے عنوان دے بحث دے دوران گال کریندے ہوئیں تجویز ڈتی جو کونسل اپنڑیاں قرارداداں خاص طور تے جیں دا تعلق جموں تے کشمیر جیہوجے حل طلب مسئلے توں ہے ،کوں خاص مدت دے بعد زیر بحث لاونڑ دا طریقہ کار بنڑاوے ۔انہاں سلامتی کونسل دے اقدامات کوں ودھ موثر تے شفاف بنڑاونڑ دی ضرورت تے زور ڈتا ۔ سلامتی کونسل اپنڑاںاعتماد بحال رکھنڑسانگے اپنڑیاں قرارداداں تے بلاتخصیص عملدرآمد کراوے۔ اپنڑیاں قرارداداں تے عملدرآمد اچ تخصیص سلامتی کونسل دی ساکھ کوں ساریں توں ودھ متاثر کریندی اے ۔ سلامتی کونسل دے اقوام متحدہ دے رکن ملکاں توں تعامل کوں وسعت ڈیونڑ وی ضروری ہے کیوں جو عالمی سطح تے پر امن تے سلامتی اچ ہر ملک دا کردار تے دلچسپی ہے ۔
