اسلام آباد ۔ 13 فروری (اے پی پی) ترجمان دفتر خارجہ پاکستان تے مقبوضہ کشمیر اچ کیمپ حملے اچ ملوث ہوونر دا بھارتی وزیر دفاع دا الزام مسترد کریندے ہوئیں آکھیے جو پاکستان تے الزام تراشی بھارتی عادت بنڑ چکی اے، بھارت کوں دھمکیاں ڈیونڑ نال کجھ نہ لبھسی۔ترجمان دفتر خارجہ بھارتی وزیر دفاع دے بیان تے سخت رد عمل دا اظہار کریندے ہوئیں آکھیے جو بھارت دا دھمکی آلا رویہ پہلے توں ہی خراب ماحول کوں بیا نقصان پُچیسی، بھارت ولوں اینجھے الزامات افسوسناک ، قبل از وقت اتے نامناسب ہین۔ترجمان آکھیے جڈاں بھارت آپ منیندے جو اپریشن ہنڑ وی جاری اے اتے تحقیقات شروع کرڈتیاں گن تاں ول الزام لاونڑ دی کیہڑی تُک اے۔ترجمان آکھیے جو بھارت آپ ہی منصف اتے جلاد دا کردار ادا کریندے جیندے نال ماحول بیا خراب تھیسی۔ ترجمان آکھیے جو پاکستان کہیں وی جارحیت دابھرپور دفاع کرنڑ دی پوری صلاحیت رکھدے۔
