اسلام آباد ۔ 18 فروری (اے پی پی) سینٹ اچ قائد ایوان سینیٹر راجہ محمد ظفرالحق آکھیے جو پاکستان کھیڈان کیتے محفوظ ملک بنڑ گئے جیہڑا حکومت دیاں امن کوششاں دا ثبوت اے۔انہاں اے گالھ پاکستان سپورٹس بورڈ اچ انٹر نیشنل فٹسال کپ 2018ءدے فائنل میچ اچ خطاب ویلھے آکھی۔ راجہ محمد ظفرالحق ساریاں بین الاقوامی ٹیماں کوں پاکستان آونڑ تے شکریہ ادا کیتے، خاص کر برازیل جئیں پاکستان کوں ہرا تے فٹسال کپ اپنڑے ناویں کیتے۔انہان برازیل کوں دوست ملک قرار ڈیندے ہوئیں امید کیتی جو برازیلین کھیڈاڑی ول ول پاکستان آسن۔انہاں پاکستان ٹیم کوں وی فائنل اچ پجنڑ تے مبارک ڈتی۔ راجہ محمد ظفرالحق کھیڈاڑیان اچ میڈل اتے فاتح ٹیم برازیل کوں ٹرافی ڈتی۔انٹر نیشنل فٹسال کپ 2018ءاچ پاکستان دے نال نال ترکی، برازیل اتے نیپال دیاں ٹیماں شرکت کیتی اتے ہر ٹیم ترائے ترائے میچ کھیڈین۔
