اسلام آباد ۔11 فروری (اے پی پی) چیئرمین سینیٹ میاں رضا ربانی ، ڈپٹی چیئرمین عبدالغفور حیدری سینیٹ اچ قائد ایوان راجہ ظفر الحق اتے قائد حزب اختلاف اعتزاز احسن معروف قانون دان عاصمہ جہانگیر دی فوتگی تے ودھ سارے ڈکھ تے افسوس دا اظہار کیتے ۔اتوار کوں جاری تھیونڑ آلے بیان چ چیئرمین سینیٹ میاں رضا ربانی آکھیا جو مرحومہ ساری زندگی آئین اتے قانون دی حکمرانی اتے جمہوریت دے تحفظ سانگے جدوجہد کیتی ، پسے ہوئے طبقات دے حق دے تحفظ سانگے عاصمہ جہانگیر دی خدمات ہمیشہ یاد رکھیاں ویسن۔انہاں رہنماواں مرحومہ سانگے دعائے مغفرت اتے لواحقین سانگے صبر جمیل دی دعا کیتی ۔
