یوتھ پروگرام مسلم لیگ (ن) حکومت دی ترجیحاں دا ثبوت اے، شاہد خاقان عباسی

APP26-19 ISLAMABAD: February 19 - Prime Minister Shahid Khaqan Abbasi chairs briefing on Prime Minister’s Youth Programme at PM Office. APP

اسلام آباد ۔ 19 فروری (اے پی پی) وزیراعظم شاہد خاقان عباسی وزیراعظم یوتھ پروگرام دیاں مختلف سکیماں تے اطمینان کریندے ہوئیں آکھیے جو 2013ءاچ شروع تھیونڑ آلا یوتھ پروگرام مسلم لیگ (ن) حکومت دی ترجیحاں دا ثبوت اے،جیندا مقصد نینگراں کوں معاشرے دا مفید رکن بنڑاونڑ اے تاں جو او ملک دی مجموعی سماجی و اقتصادی ترقی اچ ہتھ ونڈا سگسن۔اے گالھ انہاں وزیراعظم آفس اچ وزیراعظم یوتھ پروگرام بارے ہک اجلاس آکھی آکھی۔ ایں موقعے تے وزیراعظم پروگرام دی چیئرپرسن لیلیٰ خان وزیراعظم کوں پروگرام دیاںمختلف سکیماں دی کامیابی بارے ڈسائے۔انہاں آکھیے جو پروگرام دیاں 6 سکیماں دے تحت مجموعی طورتے 11 لکھ توں ودھ لوک ایندے توں فیدہ چاءچکین، وزیراعظم دی یوتھ بزنس قرضہ سکیم دے تحت ہنڑ تئیں تعلیم یافتہ اتے ہنرمند مرد و خواتین نینگراں کوں 22 ارب روپے دے 22 ہزار قرضے ونڈیے گن تان جو ملک اچ خود روزگار اتے اپنڑے وپار کوں ودھارا ملے،سکیم دے تحت قرضہ واپسی دی شرح 91 فیصد اے جیہڑی چھوٹے اتے درمیانے حجم دے شعبہ دی فنانسنگ اچ بہوں چنگی اے۔انہاں آکھیے جووزیراعظم دی بلاسود قرضہ سکیم دے تحت ہنڑ تئین ملک دے غریب ترین طبقہ کوں ساڈھے 9 ارب روپے مالیت دے 4 لکھ بلاسود قرضے ونڈیے گن۔قرض گھنڑ آلیاں اچ 64 فیصد تریمتیں ہین جڈاں جو قرض واپسی دی شرح 99 فیصد اے۔ وزیراعظم دے یوتھ سکل ڈویلپمنٹ پروگرام دے تحت ہک لکھ بےروزگار نوجواناں کوں پورے ملک اچ 100 مختلف پیشہ وارانہ شعبیاں اچ تربیٹ ڈتی گئی اے جڈاں جو 2018ءدے چھیکڑ تئیں ہک لکھ توں ودھ بئے نوجواناں کوں تربیت ڈتی ویسی۔وزیراعظم فیس واپسی سکیم دے تحت گھٹ ترقی یافتہ علاقہ دے 2 لکھ 27 ہزار توں ودھ طالبعلماں کوں ادائیگی کیتی گئی اے۔ وزیراعظم کی یوتھ لیپ ٹاپ سکیم دے تحت طالبعلماں کوں 3 لکھ توں ودھ لیپ ٹاپ ونڈیے گن۔