اسلام آباد ۔12 فروری (اے پی پی) وفاقی وزیر قومی صحت سائرہ افضل تارڑ آکھیے جو کامیاب حکومتی کوششاں پاروںسال 2017ءاچ پولیو دے صرف 8 کیسزہن جڈاں جو ایں سال کوئی کیس سامنڑے نئیں آیا۔ایں سال 2018ءدی ڈوجھی پولیو مہم شروع کرنڑ دے موقع تے انہاں دا آکھنڑ ہا جو ملک توں پولیومُکاونڑ ہک چیلنج ہا بھل حکومتی کوششاں کامیاب رہن اتے ایں سال ملک اچ کوئی ہک وی پولیو دا کیس سامنڑے نئیں آیا۔انہاں آکھیے جو بلوچستان دے چارضلعیاں قلعہ عبداﷲ، قلعہ سیف اﷲ، ژوب، شیرانی اتے کراچی اچ پولیو مہم 19فروری توں شروع تھیسی جڈاں جو لودھراں اچ پولیو مہم 14 فروری کوں ضمنی الیکشن توں بعد شروع تھیونڑی اے۔ایں سانگے ملک اچ پنج سال توں گھٹ عمر دے 38.37 ملین بالاں کوں پولیو توں بچاونر دے قطرے پلائے ویسن۔پنجاب اچ19.15 ملین ، 8.7 ملین سندھ، 5.7 ملین کے پی کے، 2.46 ملین بلوچستان، 1.03فاٹا، 0.74 ملین آزاد جموں کشمیر، 0.237 گلگت بلتستان اتے اسلام آباد دے 0.313 ملین بالاں کوں پولیو دے قطرے پلائے ویسن۔
