وزیر داخلہ چوہدری نثار علی خان نال ایرانی سفیر مہدی ہنر دوست دی ملاقات

اسلام آباد ۔ 15 جون(اے پی پی) وزیر داخلہ چوہدری نثار علی خان نال بدھ کوں اتھاں ایرانی سفیر مہدی ہنر دوست ملاقات کیتی۔ملاقات اچ پاک ایران تعلقات،سکیورٹی سمیت مختلف شعبیاں اچ ڈو پاسہ تعاون دے ودھارے اچ پیشرفت دا جائزہ گھدا گئیا اتے خطے اچ پاتی ونجنڑ آلی صورتحال تے گالھ مہاڑ کیتی گئی۔وزیر داخلہ آکھیا جو کوئی وی تریجھا ملک ایران اتے پاکستان دے تعلقات تے اثر انداز نئیں تھی سگدا۔وزیر داخلہ ڈوہاں ملکاں وچال سرحداں دی نگرانی اتے معلومات دے ویلھے تے تبادلے دے نظام کوں بئیا موثر بنڑاونڑ تے زور ڈتا گئیا۔