اساڈی تریخ اچ 23 مارچ ورگاکوئی بیا ڈینھ کائنی کیونجو ایں ڈینھ اساڈے بزرگاںفیصلہ کیتا ہا جو غیر ملکی حکمراناں اتے متعصب اکثریت دے غاصبانہ طرزِ عمل کوں ہرا تے اپنڑی قسمت دے مالک خود بنڑے صدرمملکت ممنون حسین دا یوم پاکستان دے موقع تے پریڈ گراﺅنڈ اچ منعقدہ تقریب نال خطاب صدرمملکت ممنون حسین دا دہشت گردی اتے انتہا پسندی کوں مکاونڑ سانگے ڈتیاں ونجنڑ آلیاں قربانیاں دے اعتراف اچ مسلح افواج اتے قنون نافذ کرنڑ آلے اداریاں سانگے ہک نویں میڈل ”تمغہ عزم“ دا اعلان

اسلام آباد ۔ 23 مارچ (اے پی پی) صدرمملکت ممنون حسین آکھے جو اساڈی تریخ اچ 23 مارچ ورگاکوئی بیا ڈینھ کائنی کیونجو ایں ڈینھ اساڈے بزرگاں فیصلہ کیتا ہاجو غیر ملکی حکمراناں اتے متعصب اکثریت دے غاصبانہ طرزِ عمل کوں ہرا تت اپنڑیں قسمت دے مالک خود بنڑے۔انہاں خیالاں دا اظہارصدرمملکت جمعہ کوں اتھاں پریڈ گراﺅنڈ اچ یوم پاکستان دے موقع تے منعقدہ تقریب نال خطاب کریندے ہوئیں کیتا۔ ایں موقع تے صدر سوشلسٹ جمہوریہ سری لنکامیتھری پالا سری سینا،وزیراعظم شاہد خاقان عباسی، چیئرمین جوائنٹ چیفس آف سٹاف کمیٹی جنرل زبیر محمود حیات، آرمی چیف جنرل قمرجاوید باجوہ، ایئرچیف مارشل مجاہد انورخان، نیول چیف ظفرمحمود عباسی، وزیر دفاع انجینئر خرم دستگیرخان ، مختلف ملکاں دے سفیراں، پارلیمنٹ دے ارکاناں، وفاقی وزیراں، مختلف ملکاں دے فوجی افسراں سمیت عوام دی ودھ ساری تعداد شرکت کیتی۔ صدرمملکت آکھیا جو 23مارچ1940ءکوں اساڈے بزرگاں ہک ایجھا جدید، مضبوط اتے جمہوری ملک بناونڑ دا عزم کیتا ہا جتھاںکوئی کہیں تے ظلم نہ کر سگے اتے نہ ہی کہیں دا استحصال کیتا ونج جا سگے ، اساں اپنڑے بزرگاں دے ایں خواب کوں حقیقت بناونڑ تے سانگے جدوجہد اچ قربانیاں ڈیونڑ آلے اپنڑے قائدین، بزرگاں ، شہیداں اتے غازیاںکو ںخراجِ عقیدت پیش کریندوں ۔ صدر مملکت آکھیا جوا یہ شاندار پریڈ اساڈے خواباں دی ہک سوہنڑی تعبیر ہے۔ انہاں آکھیا جو ایں اہم قومی تہوار دے موقع تے اساڈے چنگے یار وی پریڈ سمیت یوم پاکستان دیاں بئیاں تقریباں اچ شریک ہن اتے ایں مقصدسانگے سری لنکا دے صدر میتھری پالا سری سینا وی خصوصی طور تے پاکستان تشریف گھن آئے ہن ،جیندے تے پوری پاکستانی قوم انہاں کوں خوش آمدید آکھدی ہے۔صدرمملکت آکھیا جو اساں یوم پاکستان دے موقع پریڈ اچ خصوصی شرکت کرنڑ آلے ترکی، اردن اتے متحدہ عرب امارات دے فوجی دستاں دا وی خیرمقدم کریندوں۔انہاں آکھیا ایندے اچ کوئی شک کائنی جوعالمی امن و سلامتی سانگے اساڈی یاری اتے تعاون آونڑ آلے ڈینھاںاچ بئی ودھسی اتے پکی تھیسی اتےا یہا اساڈی خارجہ پالیسی دی بنیاد وی ہے۔ انہاں آکھیا جو اساں خطے اچ امن تے ترقی دے مخالفاں کوں خیرسگالی داپیغام ڈیونڑ ضروری سمجھدوں اتے ایندے نال ایہ واضح کر ڈیونڑ چاہندوں جواساڈی امن دوستی کوںاساڈی کمزوری سمجھنڑخطرناک غلطی ہوسی۔ صدرمملکت آکھیا جو قومی تے علاقائی تعمیر و ترقی سانگے ضروری ہے جو ہر قسم دی جارحیت، توسیع پسندی، استحصالی عزائم اتے ڈوجھیاں دے اندر دے معاملیاں اچ دخل نہ ڈتا ونجے ، پاکستان ایں اصول تے عمل کریندے اتے توقع رکھیندے جو عالمی برادری وی انہاںمسلمہ اصولاں دی پاسداری کریسی۔صدرمملکت آکھیا جو مشرق اچ اساڈا ہمسایہ اپنڑی فوجی طاقت اچ مسلسل ودھارا کریندا پئے ، لائن آف کنٹرول اتے ورکنگ باﺅنڈری تے جارحیت دے ذریعے بے گناہ شہریاں دی جان تے مال دا نقصان کیتا ویندا پئے اتے ا ساڈے ہمسایہ ملک اپنڑے ایں غیر ذمہ دارای آلے طرزِ عمل نال خطے دا امن دا تے لاتا ہوئے ۔صدر مملکت بھارت کوں خبردار کریندے ہوئیں آکھیا جو مقبوضہ کشمیر اچ جاری خالصتاً مقامی تحریک آزادی تے ظلم بند کرے کیونجو آزادی دیاں تحریکاں کوں طاقت دے زور نال نی دبایا ونج جا سگدا۔انہاں آکھیا جومسئلہ کشمیر داہکوحل اقوام متحدہ دی قرارداداں دے مطابق استصوابِ رائے دے نال حق خود ارادیت دی بحالی ہے اتے پاکستان ایں مقصد دے حصول سانگے اپنڑاں کردار ادا کریندا راہسی۔ صدرمملکت آکھیا جو گزریل ترائے دہائیاں دوران خطے اچ رونما تھیونڑآلی تبدیلیاں اتے جنگ علاقے دا امن تے استحکام تباہ کر ڈتے جیندے توں پاکستان وی متاثر تھئے۔انہاں آکھیا جو پاکستانی قوم اتے افواج پاکستان آپریشن ضرب عضب اتے رد الفساد جئیاں کارروائیاں کر تے ایں چیلنج دا مقابلہ پورے عزم تے ہمت نال کیتے اتے قوم ایں جدوجہد کوں قدر دی نظر نال ویکھدی ہے۔صدرمملکت ایں موقع تے دہشت گردی اتے انتہا پسندی مکاونڑ سانگے ڈتیاں ونجنڑ آلیاں قربانیاں دے اعتراف اچ مسلح افواج اتے قنون نافذ کرنڑ آلے اداریاں سانگے ہک نویں میڈل ”تمغہ عزم“ دا اعلان وی کیتا کیونجو قوم دی انہاں ان لازوال قربانیاں دے نتیجے اچ ملک اچ امن و امان بحال تھئے اتے معیشت اچ وی چنگائی آئی ہے ۔انہاں آکھیا جو کامیابی دے ایں سلسلے کوں برقرار رکھنڑ ضروری ہے تاں جو مستقبل اچ ایہ عفریت دوبارہ سر نہ پٹ سنگے اتے ایںضمن اچ یہ حقیقت پیش نظر رکھنڑ وی ضروری ہے۔صدرمملکت آکھیا جو غیر جانبداری ، بلا امتیاز انصاف اتے نیک نیتی ایجھے مسئلیاں دا چنگا علاج ہے اتے ایہ امراطمینان دی وجہ ہے جو اساڈے جمہوری ادارے فعال ہن اتے آئینی حدود دے اندر رہندے ہوئیںاپنڑاں کردار ادا کریندے پن۔ انہاں آکھیا جو ڈو منتخب جمہوری حکومتاں اپنڑی مدت پوری کرنڑ اچ کامیاب رہیاں ہن ،انہاں معاملات اچ کجھ طبقیاں دے اگرکجھ تحفظات ہن تاں ضروری ہے جو انہاں تے وختی توجہ ڈتی ونجے تاں جوانتہا پسندی سمیت قومی زندگی دے مختلف میداناں اچ ملنڑ آلیاں کامیابیاں دا تسلسل برقرار رکھیا ونج جا سگے۔ صدرمملکت یوم پاکستان دے موقع تے پروقار پریڈ دے شاندار انعقادکرنڑ تے پریڈکمانڈر، شرکائ، مقامی انتظامیہ اتے ضلعی حکومت کوں شاباش ڈتی تے آکھیا جو اوراساکوں اپنڑے افسراں تے جواناں اتے انہاں دے پیشہ وارانہ معیارتے فخر ہے۔ انہاں اپنڑے بہادر افسراں اتے جواناں کوں نصیحت کریندے ہوئیں آکھیاجو ملک تے ملت دی حفاظت و سلامتی سانگے بہادری، نیک نیتی اتے ایمان داری دے نال اپنڑی آئینی ذمہ داریاں ادا کریندے رہو اتے ایں مقدس تے فریضے دی ادائیگی سانگے ا وہ سارے وطناںکوں اپنڑے نال کھڑاڈیکھسن ۔