سی پیک ایشیا اچ پاک چین دوستی تے تعاون دی بہترین مثال اے، امریکی مفادات سانگے ملکی مفادات تے سمجھوتہ کائناں کریسوں ،وزیر خارجہ خواجہ محمدآصف

اسلام آباد ۔ یکم مارچ (اے پی پی) وزیر خارجہ خواجہ محمدآصف آکھیے جو امریکی مفادات سانگے ملکی مفادات تے سمجھوتہ کائناں کریسوں ۔قومی مفاد ذاتی تے ادارہ جاتی مفاد توں بالاتر اے۔سی پیک پاکستان تے چین وچال سٹریٹجک پارٹنرشپ کوں نویں جہت ڈتی ۔ سی پیک نال پاکستان دی معیشت مضبوط تھیسی ۔پہلے ملک اچ کئی کئی گھنٹے لوڈشیڈنگ تھیندی ہئی لیکن اساں ایندے تے کافی حد تئیں قابو پا گھدے ،اساکوں سیاسی مفادات توں بالاتر تھی تے ملکی مفاد کوں ڈیکھنڑاں ہوسی ۔اساں ہمیشہ افغانستا ن دے امن اچ اہم کردار اد ا کیتے ۔خمیس کوں اتھاں سی پیک متعلق تقریب تے بعد اچ میڈیا نال گال بات کریندے ہوئیں وزیر خارجہ آکھیا جو ایں وقت ملک دے مختلف حصیں اچ سی پیک دے کئی منصوبیں تے کم جاری اے ۔سی پیک ایشیا اچ پاک چین دوستی تے تعاون دی بہترین مثال اے۔ایں منصوبے نال سارے ملک اچ خصوصی اقتصادی زونز قائم کرڈتے ویسن جیں نال سرمایہ کاراں کوں فائدہ تھیسی ۔سی پیک دے ذریعے مختلف تہذیباں آتے رل تے کم کریندیاں پن تے اساں ایندا حصہ بنڑدے پیوں جیرھی جو اساں سانگے فخر دی گال اے ۔انہاں آکھیا پاکستان ہمیشہ افغانستان دے امن اچ اہم کردار ادا کیتے ۔افغان صدر دے طالبان متعلق اجوکے بیان دے حوالے نال خواجہ آصف آکھیا جو افغان صدر دی طالبان نال مذاکرات دی پیشکش کوں چنگی نظر نال ڈیکھدن ،امریکہ اگر کوئی کردار ادا کرنڑ چاہندے توں پہلے امریکہ کوں اپنڑیاں پالیسیاں اچ توازن پیدا کرنڑاں ہوسی ۔خواجہ محمدآصف آکھیا جو اساکوں ہک ایجھا ہمسایہ ملیے جیرھا امن تے راضی کائنی ،بھارت کشمیر اچ ظلم دی انتہا کر ڈتی اے ،لیکن دنیا دا ضمیرستا پئے ۔انہاں آکھیا جو افغان جھیڑے دا کوئی فوجی حل کائنی۔