صدر ممنون حسین نال وزیراعظم دے مشیر برائے قومی تاریخ و ادبی ورثہ عرفان صدیقی دی ملاقات

اسلام آباد ۔ 8 مارچ (اے پی پی)صدر ممنون حسین آکھیے جو پاکستان دے روایتی فنون لطیفہ دا احیاءویلھے دی وڈی لوڑھ اے، حکومت ایں سانگے قدیم ثقافتی ورثہ دی سرپرستی ہمیشہ جاری رکھیسی۔انہان اے گالھ ایوان صدر اسلام آباد اچ آونڑ آلے وزیراعظم دے مشیر برائے قومی تاریخ و ادبی ورثہ عرفان صدیقی نال ملاقات اچ آکھی۔ایں موقعے تے ممتاز خطاط اشرف ہیرا اور آرٹسٹ وقاص احمد شائق وی عرفان صدیقی دے نال ہن ،جنہاں صدر مملکت کوں قائداعظم دی نادر تصویر پیش کیتی۔ صدر ممنون حسین آکھیے جو پاکستان اچ خطاطی اتے بئے فنون لطیفہ دے ودھارے اتے ایندے اچ نینگراں دی دلچسپی ثبوت اے جو ساڈی نویں نسل اپنڑے ثقافتی ورثے نال شعوری دلچسپی رکدی اے اتے ایندے نال مستقبل اچ تہزیبی شان و شوکت، قومی ترقی اتے وقار وچ وی ودھارا تھیسی۔