وزیراعظم شاہد خاقان عباسی دا سندر انڈسٹریل اسٹیٹ اچ سی سی وی لائن اتے ایلومینیم الائے مینوفیکچرنگ پلانٹ دی افتتاحی تقریب نال خطاب

اسلام آباد/ لاہور۔ 24 مارچ (اے پی پی) وزیراعظم شاہد خاقان عباسی آکھے جو موجودہ حکومت تھوڑے وسائل دے باوجود مسائل تے قابو پاتے ، آندے پندرہ سالاں سانگے بجلی دیاں ضرورتاںدے مطابق پیداواری منصوبے مکمل کیتے ہن، بے روزگاری مکاونڑ اچ صنعت دا کردار بنیادی اہمیت رکھیندے، صنعت کاراں کوں سہولتاں ڈیونڑحکومت دی ذمہ داری ہے، سی سی وی کیبل دے پہلے جدید ترین پلانٹ توں بجلی دے پیداواری خرچے اتے ترسیل دے نقصان کوں گھٹک کرنڑ اچ مدد ملسی، فاسٹ کیبل داا یہ وڈاا ہم منصوبہ بجلی دی چوری اتے ٹیکنیکل نقصان کوں گھٹ کرنڑ اچ مدد گار ثابت تھیسی، ارباں روپے دی سرمایہ کاری نال روزگار دے نویں مواقع ملنڑ دے نال نال مختلف ٹیکساں دی مد اچ وصولیاں وی تھیسن ، صنعتی ترقی سانگے پالیسیاں دا تسلسل اتے استحکام ضروری ہے، بجلی بنڑاونڑ سانگے متبادل توانائی دے ذرائع توں فائدیاں گھنر دے حوالے نال منصوبیاں تے عمل جاری ہے، حکومت خود کاروبار نی کریندی بلکہ صنعت کاراں کوں سہولتاں ڈیندی ہے۔ ہفتہ کوں سندر انڈسٹریل اسٹیٹ لاہوراچ فاسٹ کیبل ولوں ملک دے پہلے سی سی وی لائن اتے ایلومینیم الائے مینوفیکچرنگ پلانٹ دے افتتاح دے موقع تے تقریب نال خطاب کریندے ہوئیں وزیراعظم آکھیا جو فاسٹ کیبل ولوںسی سی وی کیبل دے پہلے جدید ترین پلانٹ دا افتتاح خوش آلی گالھ ہے ،ایندے توںبجلی دے پیداواری خرچے اتے ترسیل دے نقصان کوں گھٹ کرنڑ سانگے مدد ملسی۔ انہاں آکھیاجو فاسٹ کیبل دایہ منصوبہ وڈاا ہم ہے جیرھا جو بجلی دی چوری اتے ٹیکنیکل نقصان کوں گھٹ کرنڑ سانگے معاون ثابت تھیسی۔ انہاں آکھیا جوپیسے کماونر دے ودھ سارے طریقے ہن لیکن صنعت لا تے منافع گھنڑ ہک مشکل طریقہ ہے جڈانجو بئے ذرائع اچ نقصان دا خطر ہ گھٹ اتے منافع دی شرح ودھ ہوندی ہے۔ تاں جو ملک دا فائدہ ایندے اچ ہے جو ودھ توں ودھ صنعتاں لاتیاں ونجنر اتے حکومت کوں ٹیکساں دی مد اچ آمدنی دے علاوہ روزگار ڈیونڑ وی یقینی بنڑایا ونج جا سگدے۔ انہاں آکھیا جو صنعتکاراں دا کردار قومی معیشت دی ترقی سانگے بہوں اہم ہے اتے ایجھیاں جدید صنعتاں بنڑ اونڑ نال ملکی ترقی سانگے اہم کردار ادا کیتا ونج جا سگدے اتے کوئی وی ایندے توں انکار نی کر سگدا۔ انہاں آکھیا جو حکومت صنعتی ترقی دے فروغ سانگے سہولتاں دی فراہمی کو ںیقینی بنڑیسی۔ وزیراعظم آکھیا جو بدقسمتی نال حکومتاں گھٹ توں گھٹ وقت اچ ودھ توں ودھ ٹیکساں دی وصولی کرنڑ چاہندیاں ہن جیندے نال صنعت کار برادری تے دباﺅ ا چ ودھارا تھیندے ،تاں جو مسلم لیگ ن دی موجودہ حکومت وسائل اتے آمدنی اچ ودھارے دے حوالے نال تھوڑی ارے لمبی مدت دیاں پالیسیاں بنرائیاں ہن تاں جو صنعت دی ترقی تھی سگے ۔انہاں آکھیا اساڈی کوشش ہے جو پالیسی بنراونڑ دے عمل کو ں بیامستحکم کیتا ونجے ،تاں جو پالیسی اچ کیتے ونجڑ آلے وعدیاں دے مطابق سہولتاں مل سگن۔ انہاں آکھیا جو سبھ توں بنیادی شئے پالیسیاں دا استحکام ہے اتے اساکوں ایں حوالے نال کافی حد تئیں کامیابی ملی ہے۔ انہاں آکھیا جو پالیسیاں کوں سیاسی تبدیلیاںدی وجہ نال نی بدلنڑ چاہیدا ،تاں جو پالیسیاں دا تسلسل جاری رہ سگے۔ انہاں آکھیا جو ملک اچ قیادت دی تبدیلی دا فیصلہ عوام دے ووٹ نال ہوسی اتے عوام دے فیصلے دے مطابق حکومت بنڑ سی لیکن قومی ترقی سانگے بنڑائی ونجنڑ آلیاں پالیسیاں قائم راہسن اتے انہاں تے عملدرآمد وی جاری راہسی۔ انہاں آکھیا جو صنعتی ترقی دے عمل کوں جاری رکھنڑ سانگے سارے شراکت داراں توں مشورے گھن تے پالیسی بنڑائی ویندی پی ہے۔ انہاں آکھیا جو فاسٹ کیبلز ولوں ارباں روپے دی سرمایہ کاری نا ل نہ صرف روزگار دے نویں مواقع ملسن بلکہ حکومت کو ںمختلف ٹیکساں دی مد اچ وصولیاں وی تھیسن ۔ وزیراعظم آکھیا جو اگر قومی صنعت ترقی کریسی تاں ملک وی ترقی کریسی۔ انہاں آکھیا جو صنعتی ترقی نال ملکی درآمدات اچ گھٹکی ہوسی اتے فاسٹ کیبلز ولوں لاتا ونجنر آلا جدید ترین پلانٹ بجلی دیاں تقسیم کار کمپنیاں کوں معیاری مصنوعات دی فراہمی کوں یقینی بنڑیسی۔ وزیراعظم آکھیا جو صنعتی ترقی دے نتیجے اچ ہر سطح تے حکومت کوں فائدہ پجسی ۔انہاں فاسٹ کیبلز دی انتظامیہ داشکریہ ادا کریندے ہوئیں یقین دا اظہار کیتا جو انہاں دیاں مصنوعات بین الاقوامی معیار دے مطابق ہوسن جڈانجو اسادیاں بئیاں صنعتاں کوں وی معیاری مصنوعات بنراونڑ تے خصوصی توجہ ڈیونڑ چاہیدی ہے۔ وزیراعظم آکھیا جو ماضی اچ صرف کم چلاونر سانگے مصنوعات تیار کیتیاں ویندیاں ہن لیکن ہنڑ کارکردگی اتے معیار تے توجہ ڈتی ویندی ہے۔انہاں امید دا اظہار کیتا جو فاسٹ کیبلز آلی کار بئے صنعتی ادارے وی بین الاقوامی معیار دے مطابق کم کریسن اتے معیاری مصنوعات دی تیاری کوں یقینی بنڑیسن۔ انہاں آکھیا جو دنیا گلوبل ویلج بنڑ گئی ہے این سانگے اساڈے تے وی عالمی سطح تے دے معیار دے اصول لاگو ہوندن جیرھے جو بئے ملکاں تے لاگو ہن۔ انہاں آکھیا معیار سانگے رہنما اصولان تے عمل نال ہی بین الاقوامی منڈیاں اچ بئے برآمدکنندگان دامقابلہ کیتا ونج جا سگسی۔ وزیراعظم آکھیا موجودہ دور اچ آزادانہ تجارت دے معاہداں دے حوالے نال مشکلاں ہن کیونجو اساڈی صنعت کوں معیاری مصنوعات بنراونڑ سانگے مشکل دا سامنڑاںہے۔ وزیراعظم امید ظاہر کیتی جو صنعتی ترقی اتے مصنوعات دے معیار اچ چنگائی نال ملکی برآمدات ودھسن۔ وزیراعظم آکھیا جو پاکستان 200 ملین توں ودھ بندیاں دی مارکیٹ ہے اتے عالمی سطح تے چنگے مقابلیاں نال اپنڑیاں مصنوعات سانگے وڈیاں منڈیاں تئیں رسائی حاصل کرسگدن۔ انہاں آکھیاحکومت چاہندی ہے جو تساکوں مواقع فراہم کیتے ونجنر تاںجو تساڈیاں برآمدات کوں فروغ ڈے سگوں،جیں سانگے معیاری مصنوعات دی تیاری تے خصوصی توجہ ڈیونڑ پوسی۔ انہاں آکھیا جوحکومت بجلی ، گیس اتے بنیادی ڈھانچے دی گھٹکی دے مسائل کوں پورا کر ڈتے اتے ہنڑ کاروباری ترقی ہوسی۔ وزیراعظم آکھیا جومیں 20 سال دے بعد سندر انڈسٹریل اسٹیٹ آیا ہاں اتے ایں صنعتی زون اچ عالمی معیار دیاں سہولتاں ڈیونڑ تے خوشی ہے۔ انہاں آکھیا جو کہیں وی صنعتی زون اچ سہولتاں ڈیونڑ نال متاثر تھی تے غیر ملکی سرمایہ کار سرمایہ کاری کریندن ۔ انہاں امید دا اظہار کیتا جوا یہ صنعتی زون وی ترقی کریسی۔ انہاں ایں گالھ دا خاص طور تے ذکر کیتا جو 1999ءاچ جڈاں مارشل لاءلاتا گیا تاں محمد نواز شریف تے ہک کیس سندر صنعتی زون بنڑاونڑ دا وی بنڑایا گیا ہا۔ انہاں آکھیا جیرھا بندہ کم کریندے اوں بندے کوں مقدمیاں دا سامنڑان کرنڑ پوندے جڈانجو کم نہ کرنڑ آلیاں کوں انعام دتے ویندن۔ انہاں آکھیا اساکوں کم کرنڑ آلیاں کوں عزت ڈیونڑ چاہیدی ہے اتے ملک اچ ایں کلچر دے فروغ دی ضرورت ہے۔ وزیراعظم آکھیاجو ملک دے مسائل اج نی بنڑے بلکہ ایہ گزریل پندرہ سالاں دے مسائل ہن اتے وقت دے نال نال انہاں اچ ودھارا تھیندا پئے ۔ انہاں آکھیا اساڈی حکومت مشکل حالات دے باوجود ڈھگ سارے وڈے ترقیاتی منصوبے مکمل کیتے ہن جنہاں دی کوئی مثال نی ملدی ۔ انہاں آکھیا جو امریکہ ، برطانیہ اتے فرانس جئے وڈے ملک وی اتنی لمبی موٹر ویز اتے ہائی ویز نی بنرا سگدے جتنی پاکستان اچ بنڑائیاں ویندیاں پن اتے اسان ایہ سارا کم اپنڑے وسائل نال کریندے پئے ہسے ۔ وزیراعظم آکھیا جو آندے انتخابات اچ عوام کارکردگی دی بنیاد تے فیصلہ کریسی ،جیندے نتیجے اچ اگست اچ نویں حکومت بنڑسی اتے قومی ترقی دا سفر جاری راہسی۔ انہاں ایں عزم دا وی اعادہ کیتا جو ملک اچ جمہوریت دا تسلسل جاری راہسی اتے عوام اپنڑے ووٹ دی طاقت نال آندی سیاسی قیادت دا فیصلہ کریسی۔