وزیراعظم شاہد خاقان عباسی دی اگوانڑی اچ نجکاری بارے کابینہ کمیٹی دا اجلاس

اسلام آباد ۔ 30 مارچ (اے پی پی) وزیراعظم شاہد خاقان عباسی دی اگوانڑی اچ تھیونڑ آلے نجکاری بارے کابینہ کمیٹی دے اجلاس اچ کے ای ایس ای پاور لمیٹڈ ولوں کے۔ الیکٹرک لمیٹڈ اچ ایندے حصص دی شنگھائی الیکٹرک پاور کوں فروخت دے معاملے دا جائزہ گھدا گیا ایں سانگے وفاقی کابینہ دی توثیق نال مشروط نیشنل سیکورٹی سرٹیفکیٹ دے اجرا دا فیصلہ تھیا۔ کابینہ کمیٹی پاکستان سٹیل ملز لمیٹڈ دی نجکاری اتے پی آئی اے سی ایل دی تشکیل نودا وی جائزہ گھدا اتے ایں سانگے مزید تجویزاں منگیاں گیاں۔