پاکستان دی ترائیں مسلح افواج دا 78ویں یوم پاکستان تے چنگی دفاعی صلاحیت دے نال شاندارسانجھی پریڈ دا انعقاد متحدہ عرب امارات اتے اردن دے فوجی دستیاں دی پہلی واری بھر پور شرکت،ترک ائیر فورس داشاندار فضائی مظاہرہ تقریب دے اعزازی مہمان سری لنکا دے صدر متھری پالا سری سینا جڈانجو مصر دے مفتی اعظم دی خصوصی طور تے شرکت ، انڈین دفاعی اتاشی دی پہلی وار پریڈ تقریب اچ شرکت،ایئر چیف مارشل مجاہد انور دی فلائی پاسٹ ایس ایس جی کمانڈنگ آفسر میجر جنرل طاہر مسعود بھٹہ دی فری فال جمپنگ دی قیادت پاک فضائیہ دے جے ایف 17تھنڈر‘ایف 16اتے شیر دل فارمیشن افق تے خوبصورت رنگ کھینڈیندے ہوئیں خوبصورت فضائی کرتب دامظاہرہ کیتا

اسلام آباد ۔ 23 مارچ (اے پی پی) پاکستان دی ترائیں مسلح افواج دا 78ویں یوم پاکستان تے چنگی دفاعی صلاحیت دے نال شاندارسانجھی پریڈ دا انعقاد متحدہ عرب امارات اتے اردن دے فوجی دستیاں دی پہلی واری بھر پور شرکت،ترک ائیر فورس داشاندار فضائی مظاہرہ تقریب دے اعزازی مہمان سری لنکا دے صدر متھری پالا سری سینا جڈانجو مصر دے مفتی اعظم دی خصوصی طور تے شرکت ، انڈین دفاعی اتاشی دی پہلی وار پریڈ تقریب اچ شرکت،ایئر چیف مارشل مجاہد انور دی فلائی پاسٹ ایس ایس جی کمانڈنگ آفسر میجر جنرل طاہر مسعود بھٹہ دی فری فال جمپنگ دی قیادت پاک فضائیہ دے جے ایف 17تھنڈر‘ایف 16اتے شیر دل فارمیشن افق تے خوبصورت رنگ کھینڈیندے ہوئیں خوبصورت فضائی کرتب دامظاہرہ کیتا ۔پاک فضائیہ دے جے ایف 17تھنڈر‘ایف 16اتے شیر دل فارمیشن افق تے خوبصورت رنگ کھینڈیندے ہوئیں خوبصورت فضائی کرتب دا مظاہرہ کیتا ۔جمعہ کوں78ویں یوم پاکستان دے موقع تے وفاقی دارالحکومت دے پریڈ گراﺅنڈ اچ شاندار پریڈ دا انعقاد کیتا گیا ۔صدر مملکت ممنون حسین ایں تقریب دے مہمان خصوصی جڈانجوسری لنکا دے صدر متھری پالا سری سینا اعزازی مہمان ہن۔وزیراعظم شاہد خاقان عباسی ،چیئرمین جوائنٹ چیفس آف سٹاف کمیٹی جنرل زبیر محمود حیات ،بری فوج دے سربراہ جنرل قمر جاوید باجوہ ،پاک فضائیہ دے سربراہ ایئر چیف مارشل مجاہد انور ، پاک بحریہ دے سربراہ ایڈمرل ظفر محمود عباسی ،وزیر دفاع انجینئر خرم دستگیر خان ، اراکین پارلیمنٹ ‘غیر ملکی مندوبین‘ سفیراں‘ہائی کمشنراں،ذرائع ابلاغ دے نمائنداں اتے پاکستانی فنکاراں دے علاوہ عوام دی وڈی تعداد پریڈ اچ شرکت کیتی۔پریڈ دے مہمان خصوصی صدر مملکت ممنون حسین دے آونڑ دااعلان بگل بجا تے کیتا گیا ،صدر مملکت بگی اچ سوار تھی تے صدارتی حفاظتی دستے دے کٹھے تقریب اچ پجے،سلامی دے چبوترے تے وزیر اعظم شاہد خاقان عباسی ،سری لنکا دے صدر متھری پالا سری سینا ،آرمی چیف جنرل قمر جاوید باجوہ صدر مملکت دا استقبال کیتاجیندے بعد قومی ترانہ وجایا گیا۔ صدر مملکت پریڈ کمانڈر بریگیڈیئر عامر امین دے کٹھے پریڈ اچ شامل پنجاب رجمنٹ ‘فرنٹیئر رجمنٹ ‘نادرن لائٹ انفینٹری ‘پاک بحریہ ‘پاک فضائیہ ‘مجاہد فورس ‘فرنٹیئر کور خیبر پختونخواہ ‘پاکستان رینجرز ‘ پاکستان پولیس ‘ٹرائر ی سروسز لیڈیز ‘ آرمڈ فورسز لیڈز آفیسرز ‘ بوائز سکاﺅٹس ‘ گرلز گائیڈ اتے ٹرائی سروسز سپیشل گروپ دے دستیاں دا معائنہ کیتا ۔ایندے بعد پاک فضائیہ اتے پاک بحریہ دے جہازاں دا شاندار فلائی پاسٹ تھیا جیندے اچ جے ایف 17 تھنڈر اتے ایف 16 ، میراج، پی تھری سی اورین، ایف سیون، پی جی سیون، قراقرم ایگل، سیپ 2000، دے ای تھری اواکس سمیت مختلف جنگی اتے لڑاکا جہازاں حصہ گھدا۔ فضائی مارچ پاسٹ دی قیادت پاک فضائیہ دے سربراہ ایئر چیف مارشل مجاہد انور کیتی۔ پاک فضائیہ اتے بحریہ دے جہازاں سلامی دے چبوترے دے سامنڑے توں گزردے ہوئیں صدر مملکت کو ںسلامی ڈتی۔پریڈ اچ پنجاب رجمنٹ ‘فرنٹیئر رجمنٹ ‘نادرن لائٹ انفینٹری ‘پاک بحریہ ‘پاک فضائیہ ‘مجاہد فورس ‘فرنٹیئر کور خیبر پختونخواہ ‘پاکستان رینجرز ‘ پاکستان پولیس ‘ٹرائر ی سروسز لیڈیز ‘ آرمڈ فورسز لیڈز آفیسرز ‘ بوائز سکاﺅٹس ‘ گرلز گائیڈ اتے ٹرائی سروسز سپیشل گروپ دے دستیاں شاندار پریڈ دا مظاہرہ کیتا۔ پاک فوج دے سپیشل سروسز گروپ دے دستے وی اپنڑے مخصوص انداز اچ پریڈ کریندے ہوئیں صدر مملکت کو ںسلامی ڈتی۔ آرمڈکور دا دستہ الخالد ٹینک، ٹی اے ٹی یو ڈی ٹینک، الضرار ٹینکاں تے مشتمل ہا۔ آرٹلری دے بکتر بند، اے پی سیز، آرمی ایئر ڈیفنس، میزائل اور ٹریکنگ ریڈار سسٹم نال لیس ایف ایم 90 ، کور آف انجینئرنگ، کور آف سگنلز دے دستاں وی صدر مملکت کوں سلامی ڈتی۔ تقریب اچ پاکستان دے جدید ترین نصر میزائل سسٹم، بابر کروز میزائل سسٹم، شاہین I، شاہین II،شاہین IIIمیزائل سسٹم، بغیر پائلٹ دے جہازشہپر، براق سمیت دفاعی سامان حرب دا وی مظاہرہ کیتا گیا۔ آرمی ایوی ایشن اتے بحریہ ایوی ایشن دے15کوبرا، ایم آئی 17، پیونک ہیلی کاپٹراںتے مشتمل دستیاں وی 300 فٹ دی بلندی توں پرواز کریندے ہوئیں شاندار فضائی مارچ پاسٹ دا مظاہرہ کیتا۔ پریڈ اچ ایف 16، جے ایف 17 تھنڈرجہازاںشاندار فضائی مظاہرے پیش کیتے۔ فضاءاچ خوبصورت رنگ کھینڈیندے جہازاں آواز توں اچی اتے گھٹ رفتار نال دائراں اچ گھومنڑ، پٹھیاں پروازاں، ورٹیکل رول بنڑیندے ہوئیں تھنڈر ٹرن سمیت مختلف حیرت انگیز کرتباں دا مظاہرہ کریندے جہازاں کوں شہریاں خوب داڈتی۔پاک فضائیہ دے جہازاںدے شاندار مظاہرہ کوں ڈیکھنر سانگے نوجواناں، بالاں، بوڈھڑیاں اتے تریمتیںدی وڈی تعداد پریڈ گراﺅنڈ سمیت جڑواں شہراں اچ شہریاں گھراں دیاں چھتاں تے کھڑے تھی تے فضائی مظاہرے ڈٹھے۔ ایں موقع تے سفارتکاراں اتے غیر ملکی مندوبین دی سہولت سانگے انگریزی زبان اچ کمپیئرنگ وی کیتی گئی۔ پاکستانی عوام آئی ایس پی آر دی ایں کاوش دی ودھ ساری تعریف کیتی۔