کراچی اچ پی ایس ایل دے فائنل دا انعقاد شہرقائد داولا روشنیاں داشہر بنڑن دی دلیل ہے، ،سابق وزیراعظم محمد نواز شریف دا ملک وچوں اندھارے مکاونڑ ، امن کوں بحال اتے کھیڈاں دے میداناں کوں آباد کرنڑ دا ہک بیا وعدہ پورا تھی گیا، مسلم لیگ (ن) پورے ملک کوں ترقی اتے خوشحالی دا گہوارہ بنڑیندی رہی ہے، دعا ہے جو اج دا ڈینھ خوشیاں اتے سلامتی دے نال پایہ تکمیل کوں پجے، وزیر مملکت برائے اطلاعات، نشریات، قومی تریخ تے ادبی ورثہ مریم اورنگزیب دا بیان

اسلام آباد ۔ 25 مارچ (اے پی پی) وزیر مملکت برائے اطلاعات، نشریات، قومی تریخ تے ادبی ورثہ مریم اورنگزیب آکھے جو کراچی اچ پی ایس ایل دے فائنل دا انعقاد شہرقائد داولا روشنیاں دا شہر بنڑن دی دلیل ہے، سابق وزیراعظم محمد نواز شریف دا ملک وچوں اندھارے مکاونڑ، امن کوں بحال اتے کھیڈاں دے میداناں کوں آباد کرنڑ دا ہک بیا وعدہ پورا تھی گیا، مسلم لیگ (ن) پورے ملک کو ںترقی اتے خوشحالی دا گہوارہ بنڑیندی پی ہے، دعا ہے جو اج دا ڈینھ خوشیاں اتے سلامتی دے نال پایا تکمیل کوں پجے۔ اتوار کوں اپنڑے ہک بیان اچ مریم اورنگزیب آکھیا جو اج کراچی شہر اچ لوک جوق در جوق میچ دیکھنڑ آندے پن، شہریاں دا جذبہ اتے ولولہ تعریف دے قابل ہے۔ انہاں آکھیا جو سابق وزیراعظم محمد نواز شریف دا ملک توں اندھارے مکاونڑ ، امن کوں بحال اتے کھیڈان دے میداناں کو ںآباد کرنڑ داہک بیا وعدہ پورا تھی گیا، قوم دی لازوال قربانیاں شہر قائد اچ امن دی بحالی اتے خوشیاں شامل ہن۔ انہاں آکھیا جو سارے قومی اتے بین الاقوامی کھلاڑیاں کوں خوش آمدید آکھدوں ،انہاں دے آونڑ نال ملک اچ کھیڈاں دیاں سرگرمیاںودھیاں ہن اتے قوم دا جذبہ وی ودھددا پئے۔ وزیر مملکت آکھیا جومسلم لیگ (ن) پورے ملک کوں ترقی اتے خوشحالی دا گہوارہ بنڑیندی پی ہے، کراچی دیاں خوشیاں تے پوری قوم خاص طور رتے کراچی دی عوام کوں مبارخباد ڈیندوں۔ انہاں آکھیا جو اللہ تعالی میڈے وطن تے ایہ بہار اتے ایندی خوشیاں سدا سلامت رکھے، دعا ہے جو اج دا ڈینھ خوشیاں اتے سلامتی دے نال پایا تکمیل کوں پجسی۔