اجوکے سال 67 فیصد حج کوٹہ سرکاری تے 33 فیصد نجی شعبے کوں ڈتا گے، حج 2018دی قرعہ اندازی پنجاب انفارمیشن ٹیکنالوجی بورڈ دے ذریعے نیب‘ آئی بی دے نمائندیں دی موجودگی اچ تھی اے ،وفاقی وزیر مذہبی امور سردار محمد یوسف

اسلام آباد ۔ 14 مارچ (اے پی پی) وفاقی وزیر مذہبی امور سردار محمد یوسف آکھیے جو نجی ٹور آپریٹرز کوں حج کوٹہ الاٹ کرنڑ دی سعودی عرب ولوں کوئی قدغن کائنی‘ اے حکومت پاکستان دی صوابدید اے‘ اجوکے سال 67 فیصد حج کوٹہ سرکاری جڈاں جو 33 فیصد نجی شعبے کو ں ڈتا گیا ۔ بدھ کوں قومی اسمبلی اچ سوالاں دے وقفے اچ شیخ صلاح الدین دے سوال دے جواب اچ وزیر مذہبی امور سردار محمد یوسف ڈسایا جو حج 2018دی قرعہ اندازی پنجاب انفارمیشن ٹیکنالوجی بورڈ دے ذریعے کیتی گی ۔ قرعہ اندازی صاف شفاف طریقے نال نیب‘ آئی بی دے نمائندیں دی موجودگی اچ تھی اے ۔ کوئی حج کوٹہ کائنی۔ ڈراپ آﺅٹ کیسز تے دستیاب فرد کو ںحج دی سعادت حاصل کرنڑ دا موقع ڈتاویندے ۔بہوں سارے لوک سرکاری حج کوٹے دے ذریعے حج دی سعادت حاصل کرنڑ چاہندن ۔انہاں آکھیا سعودی عرب اچ پاکستانیاں کوں 500ویزے ڈتے گن ۔کابینہ ولوں کوئی کوٹہ مختص کائنی کیتا گیا ۔