اسلام آباد ۔ 15 مارچ (اے پی پی) وزیر مملکت انجینئر بلیغ الرحمان آکھیے جو ملک اچ نجی تے سرکاری تعلیمی اداریں اچ قرآن پاک دی ناظرہ تعلیم لازمی قرار ڈیونڑ دا بل اساڈے دوراچ منظور تھے ‘ اسلام آباد اچ 230 تعلیمی اداریں اچ اے تعلیم شروع کر ڈتی گی اے جڈاں جو نویںتعلیمی سال دے شروع تے اسلام آباد دے سارے تعلیمی اداریں اچ ناظرہ دی تعلیم شروع کرڈتی ویسی ۔ خمیس کوں قومی اسمبلی اچ سوالاں دے وقفے دے دوران مولانا محمد گوہر شاہ دے سوال دے جواب اچ وزیر مملکت کیڈ ڈاکٹر طارق فضل چوہدری ڈسایا جو اسلام آباد دے نجی تعلیمی اداریں دی اکثریت مختلف جماعتاں دے طالب علماں توں انجھ کمپیوٹر فیس وصول کریندی پئی اے ۔اساں نجی تعلیمی اداریں سانگے قابل قبول فارمولا تے کم کریندے پیوں ۔ایں حوالے نال 11رکنی کمیٹی بنڑائی گی اے جیرھی جو سپریم کورٹ دے فیصلے دی روشنی اچ ایں بارے اقدامات تجویز کریسی ۔
