پاکستان دہشت گردی دے خلاف جنگ اچ بہوں قربانیاں ڈتین،اساں آپنڑی سرزمین کہیں تے حملے سانگے استعمال کرنڑ دی موکل کائنا ڈیسوں،افغانستان اچ ڈوجھیاں دی ناکامیاں سانگے پاکستان کوں قربانی دا بکرا نی بنڑایا ونج سگدا،امریکہ اچ پاکستان دے سفیر اعزازاحمد چوہدری دی امریکی صحافیاں دے اٹھ رکنی وفد نال گالھ مہاڑ
اسلام آباد ۔ 10 مارچ (اے پی پی) امریکہ اچ پاکستان دے سفیر اعزاز احمد چوہدری آکھیا جو پاکستان دہشت گردی دے خلاف جنگ اچ بہوں قربانیاں ڈتین،اساں آپنڑی سرزمین کہیں تے حملے سانگے استعمال کرنڑ دی موکل کائنا ڈیسوں،افغانستان اچ ڈوجھیاں دی ناکامیاں سانگے پاکستان کوں قربانی دا بکرا نی بنڑایا ونج سگدا۔گزریل ڈینھ امریکی صحافیاں دے اٹھ رکنی وفد نال گالھ مہاڑ کریندیں ہوئیں انہاں آکھیا جو دہشت گردی دے خلاف جنگ دے نتےجے اچ ملکی اقتصادی اتے سکیورٹی صورتحال اچ نشابر بہتری تھئی اے۔انہاں آکھیا جو پاکستان دہشت گردی اتے سازشاں دے خلا ف اے۔
