بنھاں ملکاں دے مقابلے پاکستان اچ پٹرولیم مصنوعات دا ملھ ودھ ہوونڑ دیاں گالھیں سچیاں نئیں،عبدالقادر بلوچ

اسلام آباد ۔ 7 مارچ (اے پی پی) وفاقی وزیر سیفران لیفٹیننٹ جنرل (ر) عبدالقادر بلوچ آکھیے جو بنھاں ملکاں دے مقابلے پاکستان اچ پٹرولیم مصنوعات دا ملھ ودھ ہوونڑ دیاں گالھیں سچیاں نئیں۔ انہاں آکھیے جو قیمتاں اچ ماہانہ بنیاداں تے ردو بدل کیتا ویندے،جڈاں وی عالمی سطح تے تیل دا ملھ گھت تھیندے صارفین کوں ریلیف ملدے۔ ایکسچینج ریٹ پاروں پٹرولیم مصنوعات دا ملھ ودھیے۔سینیٹ اجلاس اچ سینیٹر شیری رحمان، سسی پلیجو اتے مختار دھامرہ دے توجہ ڈیواﺅ نوٹس دے جواب اچ انہاں آکھیے جو بھارت اچ پٹرول فی لٹر 126 روپے 94 پیسے، سری لنکا اچ 91 روپے 33 پیسے، بنگلہ دیش اچ 117.94 روپے ہے جڈاں جو پاکستان اچ ایندا ملھ صرف 88.06 روپے ہے۔قیمتاں اچ گذریل مہینے کمی کیتی گئی ہئی،روپے دی قدر اچ کمی پاروں وی قیمتاں تے اثر پئے۔