اسلام آباد ۔ 19 مارچ (اے پی پی) پاکستان بھارت ولوں اجمیر شریف اچ حضرت خواجہ معین الدین چشتی دے عرس دی تقریبات اچ شرکت سانگے پاکستان دے 503 زائرین کوں ویزیں دے عدم اجرا تے مایوسی دا اظہار کیتے ۔ سنوار کوں دفتر خارجہ توں جاری تھیونڑ آلے بیان اچ آکھیا گے جو زائرین دا اے دورہ 1976دے پاکستان اتے بھارت دے مذہبی مقامات دی زیارت متعلق پروٹوکول دے تحت آندے تے ہر سال پاکستانی زائرین ایں سلسلے اچ اجمیر شریف ویندن لیکن پاکستانی زائرین کوں عرس دی تقریبات اچ شرکت دے موقع توں محروم رکھیا گے جیرھا جو بہوں اہم معاملہ اے ۔ایندے توں پہلے جنوری اچ پاکستان دے زائرین حضرت خواجہ نظام الدین اولیادے عرس دی تقریب اچ وی بھارت ولوں ویزے دے عدم اجرادی وجہ توں شرکت کائنی کر سگیے ۔2017اچ پاکستان ولوںخصوصی ریل گاڈی بھجواونڑ دی پیشکش دے باوجود انڈیا تاخیری حربے استعمال کیتے جیں دی وجہ توں بھارت دے سکھ یاتری گرو ارجن دیو اتے مہاراجہ رنجیت سنگھ دی برسی دی تقریبات اچ شرکت نہ کر سگیے ۔ انہاں آکھیا اے ہک ستم ظریقی اے ایں طرح دے اقدامات حضرت خواجہ معین الدین چشتی دے عرس دے موقع تے کیتے ویندے پن جیرھا جو کمیونٹی کوں ہک ڈوجھے دے نیڑے گھن آونڑ سانگے کوشاں اے ۔
