اسلام آباد ۔ 29 مارچ (اے پی پی) وزیراعظم شاہد خاقان عباسی بے نظیر انکم سپورٹ پروگرام دے انڈو منٹ فنڈ سانگے ہک ارب روپے دا اعلان کریندے ہوئیں آکھیے جو بے نظیر انکم سپورٹ پروگرام دے بجٹ اچ اساڈے دور اچ 50فیصد ودھارا تھے تے آندے بجٹ اچ اینکوں مزید ودھا ڈیسوں ،اے غریباں سانگے ہک اہم سماجی پروگرام اے توقع اے جو نویں حکومت وی ایں پروگرام کوں جاری رکھیسی ۔او خمیس کوں اتھاں بے نظیر انکم سپورٹ پروگرام دے ہیڈکوارٹر اچ بی آئی ایس پی گریجویشن پروگرام اتے بی آئی ایس پی انڈومنٹ فنڈ دے اجراءدے موقع تے خطاب کر یندے پے ہن۔ایندے توں پہلے انہاں ان پروگراماں دی تختی دی گھنڈ کھلائی کیتی ۔ایں موقع تے بے نظیر انکم سپورٹ پروگرام دی چیئرپرسن وزیر مملکت ماروی میمن، پاکستان اچ یورپی یونین دے سفیر، این آر ایس پی دے سربراہ شعیب سلطان خان اتے بے نظیر انکم سپورٹ پروگرام دے سیکرٹری عمر حمید خان وی خطاب کیتا ۔ وزیراعظم آکھیا بی آئی ایس پی دے ایجوکیشن انڈومنٹ فنڈ توں فائدہ چاونڑ آلیاں تریمتیں معاشرے اچ اہم کردار ادا کریسن ۔
