اسلام آباد ۔ 29 مارچ (اے پی پی) بے نظیر انکم سپورٹ پروگرام دی چیئرپرسن وزیر مملکت ماروی میمن آکھیے جو سابق وزیراعظم نواز شریف اتے موجودہ وزیراعظم شاہد خاقان عباسی بے نظیر انکم سپورٹ پروگرام دے حوالے نال جیرھے اہداف ڈتے ہن او پورے تھیندے پن ۔ گریجویشن پروگرام دے ماڈل دے ذریعے غربت دا خاتمہ تھی سگدے ۔او خمیس کوں اتھاں بے نظیر انکم سپورٹ پروگرام ہیڈ آفس اچ بی آئی ایس پی گریجویشن پروگرام تے بی آئی ایس پی انڈومنٹ پروگرام دے اجرادے موقع تے خطاب کر یندیاں پیاں ہن ۔تقریب توںوزیراعظم شاہد خاقان عباسی، سیکرٹری بی آئی ایس پی اتے این آر ایس پی دے سربراہ وی خطاب کیتا ۔ ماروی میمن آکھیا وزیراعظم شاہد خاقان عباسی دا قلیل وقت اچ بی آئی ایس پی دا ڈوجھا دورہ ایں گال دی غمازی کریندے جو او غریباں سانگے ایں پروگرام کوں کتنی اہمیت ڈیندے ہن ،اساکوں جڈاں وی ضرورت محسوس تھی وزیراعظم اساڈی رہنمائی کیتی۔وزیرا عظم دی بہوں عرصے توں اے خواہش ہئی جو بے نظیر انکم سپورٹ توں فائدہ چاونڑ آلیاں تریمتیں اپنڑے پیراں تے کھڑیاں تھی ونجن ،اساں ڈے ایں وقت 121ارب روپے دا بجٹ موجود اے ،پروگرام توں فائدہ چاونڑ آلیں تریمتیں دی اے خواہش ہئی جو اگر اساکوں ہک واری رقم مل ونجے تاں ایندے نال کاروبار شروع کر سگدوں ۔انہاں آکھیا اندو منٹ فنڈ قائم کیتا ویندا پے ،توقع اےجو بی آئی ایس پی سانگے خطیر بجٹ مختص کرنڑ دا سلسلہ اگی تے وی جاری رہ ویسی ۔ انہاں ڈسایا جو بے نظیر انکم سپورٹ پروگرام دے نال تریمتیں دے تیزاب سٹیے ونجنڑ کوں روکنڑ سانگے آگاہی مہم دی مفاہمت دی یاداشت تے دستخط کیتے گن ۔
