اسلام آباد ۔ 16 مارچ (اے پی پی) وزیراعظم دے مشیر برائے خزانہ مفتاح اسماعیل آکھیے جو ملکی معیشت چنگی اے، جی ڈی پی دی شرح نمو اچ تیزی کیتے مہنگائی گھٹ رکھنڑ دی پالیسی برقرار ہسی۔اسلام آباد اچ میڈیا نال الویندے ہوئیں انہاں آکھیے جوجی ڈی پی دی شرح نمو رواں مالی سال مکنڑ تئیں 6 فیصد تھی ویسی،مہانگ دی شرح 4 فیصد توں گھٹ راہسی، 6 فیصد دی شرح نمو پچھلے 10 سال دی بلند ترین شرح ہوسی۔ انہاں آکھیے جو ایف بی آردے ریونیو وصولی ہدف دے مطابق تھیونڑ پاروں آندا بجٹ بنڑاونڑ اچ کوئی اوکھ نہ تھیسی۔ کرنٹ اکاﺅنٹ خسارہ دا مسلہ اے جیہڑا سی پیک اتے توانائی دے بئے منصوبیاں کیتے مشینری دی اضافی درآمد پاروں ودھیے، انہاں منصوبیاں دی پیدوار نال جی ڈی پی دی شرح نموودھنر دے نال نال برآمدات تے وی مثبت اثرات پوسن۔ مشیر خزانہ آکھیے جو مسلسل خسارے آلے اداریاں دی نجکاری ضروری اے جیندے نال 400 ارب روپے تک نقصان تھیندا پئے۔پاکستان اسٹیل ملز اچ 200 کروڑ خرچ کرتے 85 کروڑ دی پیداواردا کیا فیدہ اے،ملز دے 35 ارب روپے گیس واجبات ودھنڑ پاروں ایکوں گیس دی سپلائی روکی گئی جڈاں جو کے الیکٹرک دے نال نال واجبات ادا کریندی پئی اے ایں سانگے اوکوں گیس ڈتی ویندی پئی اے۔مشیر خزانہ آکھیے جو اندا بجٹ 27 اپریل کوں پیش کیتا ویسی۔
