اسلام آباد ۔ 21 مارچ (اے پی پی) وفاقی وزیر داخلہ احسن اقبال آکھیے جو حکومت دیاں موثر پالیسیان دی کامیابی اے جو ملک اچ ارباں ڈالر دی غیر ملکی سرمایہ کاری آندی پئی اے اتے ملکی معیشت بئی مضبوط تھیندی پئی اے۔ہک نجی ٹی وی نال الویندے ہوئیں انہان امید کیتی جو عوام آندے انتخابات اچ کارکردگی پارون مسلم لیگ ن کوں ولا چنڑسن،اساں ولا جیت تے سی پیک سودھے بئے منصوبیاں کوں پالیسی ایجنڈے اچ جاری رکھیسوں اتے عوامی ترقی دے سفر کوں ودھیسوں۔انہاں حکومت دیاں کامیابیاں گنڑویندے ہوئیں آکھیے جو توانائی بحران دا خاتمہ، ودھیک بجلی دی پیداوار، امن و امان دا قیام معیشت دی بحالی اتے غیر ملکی سرمایہ کاری گھن آونڑ حکومت دی کامیابی اے۔انہاں آکھیے جو لوک پی ٹی آئی دی منفی اتے بے بنیادالزامات دی سیاست توں اک تھی چکین اتے محمد نوازشریف وزارت عظمیی توں لہائے ونجنڑ توں باوجود پہلے توں ودھ مضبوط تھین، نوازشریف کون سیاست توں باہرو کڈھنڑ آلے ناکام تھی گن اتے این ویلھے مقبول ترین رہنما ہین۔ہک سوال دے جواب اچ انہان آکھیے جو ساڈا دشمن ساڈی قومی یکجہتی تے حملہ کرنڑان چاہندے تان جو پاکستان دی ترقی روکی ونجے،بھل اساں پرعزم ہیں، ساڈے سیاستدان، ادارے اتے حکومت و عوام رل تے اگو تے ودھنڑ دا عزم رکھیندن۔
