اسلام آباد ۔03 مارچ (اے پی پی)سینٹ الیکشن سانگے قومی اسمبلی ہال جیکوں پولنگ سٹیشن دا درجہ ڈتا گیا ہا، سپیکر قومی اسمبلی سردار ایاز صادق سبھ توں پہلے اپنڑاں ووٹ کاسٹ کیتا۔ ہفتہ کوں سینٹ الیکشن سانگے قومی اسمبلی ہال اچ پو لنگ دا عمل مقررہ وقت 9 وجے شروع تھی گیا۔ سپیکر قومی اسمبلی سردار ایاز صادق اپنراں حق رائے دہی استعمال کیتا جیندے بعد وفاقی وزیر رانا تنویر حسین اپنڑاں ووٹ کاسٹ کیتا۔ قومی اسمبلی ہال اچ وفاقی دارالحکومت توں ہک ٹیکنوکریٹ اتے ہک عام نشست سانگے پنج امیدواراںوچال مقابلہ جدانجو فاٹا دیاں چار سیٹاں سانگے 11 ارکاناں اپنراں حق رائے دہی استعمال کیتا۔
