صدرممنون حسین دی یومِ پاکستان پریڈ دی شاندار کامیابی تے مسلح افواج دے جواناں تے افسراں کوں مبارخبا د صدر مملکت داافواج پاکستان دی دعوت دی خوشگوار تقریب نا ل خطاب

اسلام آباد ۔25 مارچ (اے پی پی)صدر مملکت ممنون حسین آکھے جو یومِ پاکستان دی شاندارپریڈ دی شاندار کامیابی تے تساں ساریاں کوں مباخباد ڈیندا ہاں۔ا یہ پریڈ نہ صرف پاک فوج دے مثالی نظم و ضبط دی عکاسی ہے بلکہ اساڈی دفاعی استعداد اتے صلاحیتاں دی وی مظہر ہے جیندے تے قوم کوں فخر ہے۔ افواج پاکستان دی دعوت دی خوشگوار تقریب نال خطاب کریندے ہوئیں صدر مملکت آکھیا جو ایںخوشگوار تقریب اچ شرکت میڑے کیتے خوشی آلی گالھ ہے، 23 مارچ دی پریڈ اچ مسلح افواج دے افسراں اتے جواناں دی جوش آلی کارکردگی قوم دے جذبیاں کوں جلا بخشی ہے اتے ایندے اعتماد دی تجدید وی کیتی ہے جو افواجِ پاکستان اپنڑیاںشاندار پیشہ ورانہ صلاحیتاں دی وجہ کنوں مادرِ وطن دے تحفظ سانگے سینہ سپر ہن۔ صدر مملکت آکھیا جوپریڈاچ ترکی، اردن اتے متحدہ عرب امارات دے دستیاں دی شرکت اساڈیاں خوشیاں کوںدوبالا کر ڈتے ،ایں توں ثابت تھی گئے جو اساڈے یارملک مشکل ہو ئے یا آسانی، ہر دور اچ اساڈے نال کھڑے ہن کھڑے ہن۔ پاک فوج دے افسراں اتے جواناں کوں مخاطب کریندے ہوئیں صدرآکھیا جو ایں پریڈ مادرِ وطن دے وقار اتے تشخص کوں بین الاقوامی سطح تے نمایاں کیتے۔ ایمان، اتحاداتے نظم و ضبط دا ایہ مظاہرہ زندگی دے ہر شعبے اچ ہونڑ چاہیدے تاں جو وطنِ عزیز ترقی کر سگے اتے قوم دے ہر طبقہ مضبوط اتحاد نال ترقی اتے سربلندی دے اعلیٰ ترین اہداف حاصل کیتے ونج جا سگن ۔ انہاں آکھیا جو مسلح افواج قیام پاکستاں توں گھن تے ہنڑ تئیں مختلف محاذاں تے جنگاں اچ تعداد اتے مادی وسائل دی گھٹکی دے باوجود دشمن دے دند کھٹے کر ڈتے۔ا یہ کامیابی اخلاص اتے حبِ وطن دی اعلیٰ ترین جذبے دے بغیر ممکن کائناں ہائی۔ انہاں آکھیا جو نظم و ضبط اتے ایثار تے قربانی دے ایں جزبے دے نال اپنڑاں فرض اداکریندے رہو، ایندے نتیجے اچ ہک طاقتور ، مضبوط اتے جمہوری پاکستان اپنڑے سارے مسئلیاں کوں قابو کرنڑ سانگے نا قابلِ تسخیر تھی ویسی۔