صدر مملکت ممنون حسین اتے سری لنکا دے صدر میتھری پالا سری سینا دا علاقائی امن، آپس اچ تعاون ودھاونڑ اتے سارک تنظیم کوں بیا موثر بناونڑ سانگے رل مل تے کم کرنڑ تے اتفاق ڈوہائیں مملکت دے سربراہاں وچال ا یہ اتفاق رائے ایوان صدر اچ تھیونڑآلی ملاقات اچ تھیا صدر ممنون حسین داخطے ،خصوصا ڈوہائیں ملکاں وچال صنعت و تجارت سمیت بئے شعبیاں اچ تعاون ودھاونڑ سانگے بحری اتے فضائی رابطے ودھاونر تے زور ڈتا پاکستان اتے سری لنکا وچال دفاع سمیت بئے شعبیاں اچ ودھدا ہویا تعاون اطمینان آلا ہے، سری لنکن صدر میتھری پالا سری سینا

APP02-24 ISLAMABAD: March 24 - President Mamnoon Hussain in a delegation level meeting with the President of Sri Lanka H.E. Maithripala Sirisena at the Aiwan-e-Sadr. APP

اسلام آباد ۔24 مارچ (اے پی پی)صدر مملکت ممنون حسین اتے سری لنکا دے صدر میتھری پالا سری سینا علاقائی امن، آپس اچ تعاون ودھاونڑاتے سارک تنظیم کو ں ہور وھ موثر بناونڑ سانگے رل مل تے کم کرنڑ تے اتفاق کیتے۔ ہفتہ کوں ڈوہائیں سربراہان مملکت وچال ا یہ اتفاق رائے ایوان صدر اچ تھیونڑ آلی ملاقات اچ تھیا ۔ سری لنکا دے صدر دے ایوان صدرآونڑ تے صدر مملکت ممنون حسین انہاں دا خیر مقدم کیتا اتے روایتی لباس اچ ملبوس بالاں انھاں کوںپھلاں دے گلدستے پیش کیتے۔ ایں موقع تے ڈوہائیں صدور کجھ دیر ون آن ون ملاقات وی کیتی ،جیندے بعد وفدان دی سطح تے وی مذاکرات کیتے گئے۔ ایوان صد توں جاری بیان مطابق صدر مملکت ممنون حسین معزز مہماناں دا خیر مقدم کریندے ہوئیں آکھیا جو یوم پاکستان دی تقریبات اچ سری لنکا دے سربراہ مملکت دی شرکت خوش آئند ہے ،ایندے توں ڈوہائیں ملکاں وچال تعلقات پکے ہونڑ دی نشانی ظاہر تھیندی ہے۔ سری لنکا دے صدر آکھیا جو پاکستان دی دعوت تے انہاں دے قومی ڈینھ دیاں تقریبات اچ شرکت انہاں سانگے خوشی دی گالھ ہے اتے سری لنکا دی عوام سانگے وڈا اعزاز ہے۔انہاں آکھیا اساںپاکستان کوں اپنڑاں سکا بھرا اتے پکا یار مندوں۔ ڈوہائیں رہنماواں ایں گالھ تے اتفاق کیتا جو اوہ علاقائی امن واستحکام، ترقی اتے عوام دی خوشحالی سانگے ہک بئے دے نال بھرپورتعاون جاری رکھیسن۔ ڈوہائیں فریقاںعلاقائی ترقی سانگے تعاون تے زورڈیندے ہوئیں ایں مقصد کوں حاصل کرنڑ سانگے سارک تنظیم کوں بیا فعال بناونڑ تے وی اتفاق کیتا۔ صدر مملکت ایں موقع تے ڈوہائیں ملکاںوچال آپس دی تجارت اچ ودھارے سانگے رل مل تے کم کر نڑ دی تجویز پیش کیتی ،جیندے نال معزز مہماناں اتفاق کیتا۔ صدر مملکت خطے ، خاص طور تے ڈوہائیں ملکاںوچال بحری اتے فضائی رابطیاں اچ ودھارے تے وی زور ڈتا۔تاں جو صنعت و تجارت سمیت بئے شعبیاں اچ تعاون اچ ودھارا کیتا ونج جا سگے ۔ سری لنکا دے صدر آکھیا جو پاکستان اتے سری لنکا وچال دفاع سمیت بئے شعبیاں اچ ودھدا ہویا تعاون اطمینان آلاہے اتے توقع ہے جو آونڑ آلے ڈینھاںاچ ایندے اچ بیا ودھارا تھیسی۔ سری لنکا دے صدر سری لنکا دے طلبا ءاتے افسراں سانگے تعلیمی تے تربیتی اسکالر شپاں تے صدر مملکت دا شکریہ ادا کیتا۔ انہاں دہشت گردی دے خلاف پاکستان دیاں کامیابیاں تے اطمینان دا اظہار کریندے ہوئیں آکھیا جو سری لنکا انہاں کوششاں اچ پاکستان دی مکمل حمایت کریندے۔ ملاقات اچ سری لنکا دے وزیر خارجہ واسنتھا سینا نائیکے، سری لنکن وزیر آباد کاری ، پارلیمنٹ دے ارکاناں سید علی ظاہر مولانا،عبداللہ معروف اتے ایس ایم ماری کار شریک ہن،جڈانجوپاکستاں ولوں وفاقی وزیر سیفرون عبدالقادر بلوچ، سیکرٹری خارجہ اتے بئے اعلیٰ حکام وی موجود ہن۔