طلبا سماجی و اقتصادی ترقی اچ کردار ادا کرن، وزیراعظم دی طالب علماں نال گالھ مہاڑ

APP36-30 ISLAMABAD: March 30 - Prime Minister Shahid Khaqan Abbasi posing for group photograph during a meeting with the Students from Roots IVY International Schools at PM office. APP

اسلام آباد ۔ 30 مارچ (اے پی پی) وزیراعظم شاہد خاقان عباسی وزیراعظم آفس آونڑ آلے روٹس آئیوی انٹرنیشنل سکول دے طالب علماں نال ملاقات اتے گالھ مہاڑ کیتی۔ انہاں طلبہ تے زور ڈتا جو او سماجی اتے معاشی ترقی کیتے محنت کرن اتے عالمی سطح تے پاکستان دے سفیر دی حیثیت سانگے کردار ادا کریندے ہوئیںپاکستان دا امیج ودھاونڑ کیتے اپنڑیاں ذمہ داریاں نبھاون۔انہاں طالب علماں اچ ہک انٹرنیشنل ٹینس چیمپیئن، سکریبل چیمپیئن اتے آبی تحفظ دے منصوبے ”بوند شمس“ دے انچارج وی شامل ہن۔ وزیراعظم طالب علماں کیتے چنگے جذبات دا اظہار کریندے ہوئیں امریکا اچ اپنڑے تعلیمی تجربیاں بارے ڈسایا۔وزیراعظم طالب علماں دے سوالاں دے جواب وی ڈتے۔