اسلام آباد ۔ 31 مارچ (اے پی پی) الیکشن کمیشن آکھیے جو عوام ووٹ دے اندراج، منتقلی اتے درستگی کوائف کیتے متعلقہ ڈسپلے سینٹرزتے 24اپریل تئیں رابطہ کر سگدن،الیکشن کمیشن آکھیے جو 10 کروڑ 42 لکھ رائے دہندگان دیاں غیر حتمی /ابتدائی انتخابی فہرستاں بنڑا گھدیاں گن جیندے کیتے پورے ملک اچ ڈسپلے سنٹر بنڑائے گن۔اے فہرستاں انہاں ڈسپلے سنٹراں تے لا ڈتیاں گن۔ووٹ دے اندراج دی تفصیلات اپنڑاشناختی کارڈ نمبر 8300 تے ایس ایم ایس کرتے گھدیاں ونج سگدن۔ عوام الناس / رائے دہندگان 24 اپریل تئیں اپنڑے ووٹ دے اندراج و منتقلی اتے درستگی کوائف کیتے متعلقہ ڈسپلے سینٹرزتے رابطہ کرسگدن۔
