اسلام آباد ۔ یکم مارچ (اے پی پی) وزیراعظم شاہد خاقان عباسی ملکی ودھدی ہوئی آبادی دیاں ضرورتاں کوں پورا کرنڑ سانگے آبی وسائل دے مناسب استعمال تے تحفظ سانگے صوبائی تے وفاقی سطح تے موثر اقدامات چاونڑ دی ضرورت تے زور ڈیندے ہوئیں ہدایت کیتی اے جو قومی آبادی پالیسی دے مسودے کوں صوبیں نال مشورے کرتے وختی چھیکڑی شکل ڈتی ونجے ۔اے گال انہاں وزیراعظم آفس اچ خمیس کوں قومی آبی پالیسی دے مسودے بارے اجلاس دی صدارت کریندے ہوئیں آکھی ۔ وزیرداخلہ، منصوبہ بندی و ترقی پروفیسر احسن اقبال، ڈپٹی چیئرمین پلاننگ کمیشن سرتاج عزیز، وزیر مملکت بجلی سردار اویس احمد خان لغاری تے متعلقہ وفاقی سیکرٹریاں تے سینئر حکام وی اجلاس اچ شرکت کیتی ۔ ڈپٹی چیئرمین پلاننگ کمیشن سرتاج عزیز اجلاس کوں مجوزہ قومی آبی پالیسی بارے ڈسایا جو موجودہ آبی وسائل دے موثر نظام تے تحفظ کوں یقینی بنڑاونڑ ، اہم شہری، زرعی، توانائی تے غذائی تحفظ، ضرورتاں کوں پورا کرنڑسانگے تازے پانڑیں دی دستیابی ،انحصار تے معیار کو ںبہتر بنڑاونڑ دے نال نال ماحولیاتی خدشات دور کرنڑ سانگے پالیسی فریم ورک قائم کرنڑ دے مقصد سانگے وضع کیتی گی ۔ وزیراعظم شاہد خاقان عباسی موجودہ آبی وسائل دے موثر تحفظ، استعمال تے انتظام سانگے اشد درکار پالیسی فریم ورک وضع کرنڑ تے ڈپٹی چیئرمین پلاننگ کمیشن اتے انہاں دی ٹیم کوں سراہیا ۔ مضبوط فریم ورک قائم کرنڑ دی ضرورت تے زور ڈیندے ہوئیں وزیراعظم آکھیا جو تازہ پانڑیں ہک نعمت اے تے محدود وسیلہ اے جیرھا جو ہولے ہولے گھٹ تھیندا پے ۔ انہاں آکھیا جو ملک دی ودھدی ہوئی آبادی دیاں اگی تے دیاں ضرورتاں پوریاں کرنڑ سانگے نہ صرف آبی وسائل دے مناسب استعمال بلکہ ایندے تحفظ تے سائنسی انتظار کار سانگے صوبائی تے وفاقی سطح تے موثر اقدامات چاونڑ دی وختی ضرورت اے ۔ وزیراعظم صوبائی حکومت توں حصص کو ںناگزیر قرار ڈیندے ہوئیں ڈپٹی چیئرمین پلاننگ کمیشن کوں ہدایت کیتی جو ایں معاملے کوں مشترکہ مفادات کونسل اچ گھن آونڑ توں پہلے اتفاق رائے سانگے صوبائی حکومتاں کوں شریک عمل کیتا ونجے ۔
