اسلام آباد ۔ 7 مارچ (اے پی پی) قومی اقتصادی کونسل دی انتظامی کمیٹی (ایکنک ) راولپنڈی اچ200بستریں دے جدید ترین زچہ و بچہ مرکزصحت دے قیام ‘ جنوبی پنجاب تخفیف غربت منصوبے تے راولپنڈی ۔کہوٹہ روڈ کو ں ڈو پاسے کرنڑ سمیت بہوں سارے منصوبیں دی منظوری ڈے ڈتی اے ۔قومی اقتصادی کونسل دی انتظامی کمیٹی (ایکنک )دااجلاس بدھ کوں وزیراعظم شاہدخاقان عباسی دی صدارت اچ وزیراعظم آفس اچ تھیا۔ ایکنک 11638ملین روپے دی مجموعی لاگت نال این ٹی ڈی سی دے ٹیلی کمیونیکیشن تے ایس سی اے ڈی اے نظام دی بہتری و توسیع دی منظوری ڈتی۔راولپنڈی اچ5301.41 ملین روپے دی لاگت نال نظرثانی شدہ اوبسٹیٹریکس تے گائنا کالوجی سانگے 200بستریں دے سینٹر فار ایکسیلینس دے قیام دی منظوری وی ڈتی گی۔ایکنک آئی ایف اے ڈی دی معاونت نال 7565.78ملین روپے دی مجموعی لاگت نال (نظر ثانی شدہ II-) جنوبی پنجاب تخفیف غربت منصوبے دی وی منظوری ڈتی ایں منصوبے دا مقصد جنوبی پنجاب دے عوام سانگے تریمت تے توجہ ڈیندے ہوئیں گھریلو آمدن اچ ودھارا ‘ روزگار دے موقع ڈیونڑ ‘ پیشہ ورانہ و کاروباری تربیت دی فراہمی دے نال نال گھٹ لاگت دے مکان تے کمیونٹی انفراسٹرکچر دی ترقی اے ۔ اجلاس 4874.225 ملین روپے دی لاگت نال ڈیرہ غازی خان دے 18.9کلو میٹر دے نادرن بائی پاس دی تعمیر دی وی منظوری ڈتی ۔ ایکنک 16755.5 ملین روپے دی لاگت نال 153کلو میٹر طویل چترال ۔بومی ۔ مستوج ۔ شندور روڈ دی بہتری تے توسیعی دی وی منظوری ڈتی ۔ بلوچستان کو ںپنجاب نال رلاونڑ دے مقصد دے حامل 8379.075 ملین روپے دی لاگت توں ودھ زیارت موڑ۔ کچھ ۔ہرنائی روڈ(107.2کلو میٹر) تے ہرنائی۔ سنجاوی روڈ (55.1کلو میٹر) دی وی منظوری ڈتی ۔ایکنک 12606.62ملین روپے دی لاگت نال 120.12کلو میٹر طویل کے کے ایچ فیز I سی پیک نظر ثانی شدہ (حویلیاں۔ تھاہ کوٹ( منصوبے سانگے زمین دے حصول ‘ متاثرہ املاک دی تلافی اتے یوٹیلیٹیز کوں ڈوجھی جاہ تے منتقل کرنڑ دی وی منظوری ڈتی ۔
