مستقبل نویں نسل دا اے ،ایں سانگے ضروری اے جو پاکستان دے نینگراں کوں نویں امید ڈیوائی ونجے ،اے کم تعلیم دے نال بہتر تربیت دے ذریعے کیتا ونج سگدے ،صدر مملکت ممنون حسین

اسلام آباد ۔ 29 مارچ (اے پی پی) صدر مملکت ممنون حسین آکھیا اے جو مستقبل نویں نسل دا اے ،ایں سانگے ضروری اے جو پاکستان دے نینگراں کوں مایوسی توں بچا تے نویں امید ڈیوائی ونجے ۔اے کم تعلیم دے نال بہتر طریقے نال کیتا ونج سگدے ۔ایں سلسلے اچ غلام اسحاق خان انسٹی ٹیوٹ دی خدمات شاندار ہن۔ انہاں اے گال غلام اسحاق خان انسٹی ٹیوٹ دے بورڈ آف گورنرز دے وفدنال گال بات کریندے ہوئیں آکھی جیں انجینئرشمس الملک دی قیادت اچ خمیس کوں انہاں نال ملاقات کیتی ۔ ایں موقع تے وزیراعطم دے معاون خصوصی خواجہ ظہیر اتے شکیل درانی تے بئے اعلیٰ حکام وی موجود ہن ۔صدر مملکت آکھیا جو غلام اسحاق خان انسٹی ٹیوٹ سائنس و ٹیکنالوجی تعلیم و تحقیق دے شعبے اچ ہک چنگی حیثیت گھن تے جیں وطن عزیز دی تعمیر تے ترقی دے سلسلے اچ قابل قدر افرادی قوت تیار کیتی اے جیں پاروں ادارہ قومی سرمائے دی حیثیت اختیار کر گے جیں دی حفاظت تے تعمیر ترقی تے پوری قوم دی ذمے واری اے ۔