سرگودھا ۔ 30 مارچ (اے پی پی) وزیراعظم شاہد خاقان عباسی آکھیے جو مسلم لیگ ن دی حکومت اپنڑی مدت پوری کریسی،چیف جسٹس نال ملاقات کیتے ملک دی چنگائی کیتے فریادی بنڑ تے گیا ہم،مل نال سینٹر اتے چیئرمین سینٹ بنڑن آلے پاکستان دی نمائندی نئیں کر سگدے،اینجھی سیاست قبول نہ کریسوں،نیب عدالت توں اصلوں انصاف دی توقع کائنی،جتھاں ولوں مسلم لیگ ن دے کم ڈسین،کم صرف ن لیگ کیتن باقیاں جیباں بھرین،پاکستان دے مسائل حل کرنڑ کیتے کم کریندے راہسوں۔سرگودھا اچ عوامی کٹھ نال خطاب کریندے ہوئیں وزیراعظم دا آکھنر ہا جو چیف جسٹس نال ملاقات تے ساڈے مخالفاں کوں بہوں تکلیف اے،میں انہاں نال اپنڑی کوئی گالھ نئیں کیتی بھل عوام اتے ملک دی چنگائی دا فریادی بنڑ تے ضرور گیا ہم،ایندے گواہ خود چیف جسٹس ہین۔انہاں آکھیے جو ووٹ مل گھنڑ دی سیاست ساکوں قبول کائنی،زرداری اتے عمران خان آپ آکھ ڈیون جو انہاں سینٹر مل نئیں گھدے تاں من ویسوں،مُل تے پارلیمنٹ اچ آونڑ آلے لوکاں کوں گھر بھیجنڑ دی لوڑھ اے،جیکر اساں برائی کوں نہ مٹیسوں تاں اے بئی ودھسی۔انہاں آکھیے جو نوازشریف صرف کم کیتن، جتھاں ونجو انہاں دے کم نظر آسن،سکتے، نوازشریف دے کرپشن دا کوئی ہک الزام اے نہ ہی کوئی ثبوت ملیے،نوازشریف دا قصور صرف ایہو اے جو او عوام اتے ملک دی گالھ کریندن،نیب عدالت توں انصاف دی توقع کائنی۔وزیراعظم آکھیا جوحکومت اپنڑی مدت آخری ساہ تئیں پوری کریسی،میکوں خدشہ نئین پورا یقین اے جو آندے انتخابات اچ مسلم لیگ (ن)پہلے توں ودھ نشستاں گھن تے اقتدار اچ آسی۔
