شیخوپورہ۔18 مارچ(اے پی پی )وفاقی وزیر شماریات سینیٹر کامران مائیکل آکھیے جو مسلم لیگ ن دے خلاف سازشاں کرنڑ آلے عناصر کوں ناکامی دے سوا کجھ کائناں ملسی ،اے گال انہاں سینئر پاسٹر انوار فضل خان ولوں اتھاں مقامی ہوٹل اچ اپنڑے اعزاز اچ منعقدہ ہک تقریب نال خطاب کریندے ہوئیں آکھی ۔انہاں آکھیا ملک دی ساریں توں وڈی مقبول جماعت مسلم لیگ ن کوں دیوار دے نال لا ونڑ آلیں دی ہر سازش کوں عوام بری طرح ناکام بنڑایا ۔ڈگڈی وجا تے ملک دی عوام دا وقت ضائع کرنڑ آلیں کوں عوام کڈاہیں معاف کائناں کریسی ۔ایں موقع تے پاسٹر شوکت فضل ،بشپ ،پاسٹر ز ،سینیٹر شوکمار ،رکن صوبائی اسمبلی طارق مسیح گل ،شکیل آئیون کھوکھر،ذوالفقار غوری ،شہزاد منشی چوہدری ،کانجی رام ،جوائیل سہوترہ سمیت کارکناں دی ودھ ساری تعداد موجود ہئی ۔کامرن مائیکل آکھیا آندے عام انتخابات اچ وی پورے ملک اچ شیر تے مہراں لگسن ،مرکز تے صوبیں اچ اساڈی حکومت ہوسی ،اساڈا جیونڑ مرنڑ عوام دے نال اے ۔مسلم لیگ ن ہمیشہ ملک تے قوم دی خدمت کیتی تے اگی تے وی ایں جذبے دے نال کھڑے رہسوں ،اساں اپنڑے اقتدار اچ ملک توں اندھارے مکائے ہن ،توانائی تے گیس دے بحران حل تھن ،دہشت گردی دے ناسور کوں منڈھوں مکا ڈتے ۔
