ملک اچ چھوٹے اتے وچلے وپار دی ترقی کیتے پورا ہتھ ونڈیسوں،وزیر مملکت رانا محمد افضل

اسلام آباد ۔ 28 مارچ (اے پی پی) وزیر مملکت برائے خزانہ رانا محمد افضل خان آکھیے جو پاکستان مسلم لیگ (ن) دی حکومت روزگار،مقامی آبادیاں دی ترقی اچ چھوٹیاں صنعتاں دے کردار کوں سمجھدی اے، ایں سانگےملک اچ چھوٹے اتے وچلے وپار دی ترقی کیتے پورا ہتھ ونڈایا ویسی۔اے گالھ انہاں جہلم چیمبر آف کامرس اینڈ انڈسٹری دے ہک وفد نال ملنڑ ویلھے آکھی۔ملاقات اچ سمال انڈسٹریل اسٹیٹ جہلم کوں گیس دی سپلائی دے معاملے تے گالھ مہاڑ کیتی گئی۔ وزیر مملکت رانا مھمد افضل دا آکھنر ہا جو ملک دی کاروباری برادری ملکی ترقی کیتے اگونہا کردار ادا کیتے اتے حکومت انہاں دا ہتھ ونڈاونڑ کیتے تیار اے۔انہاں گیس فراہمی دا وی یقین ڈیوائے جیندے تے وفد وزیر مملکت دا شکریہ ادا کیتا۔