نیب اجلاس؛احمد ہمایوں شیخ اتے علی جہانگیر صدیقی دے ناں ای سی ایل اچ پاونڑ کیتے وزارت داخلہ کوں خط لکھنڑ دا فیصلہ

APP23-09 ISLAMABAD: March 09 - Honorable Justice Mr. Javed Iqbal, Chairman NAB chairing a meeting to review performance of NAB at NAB Headquarters. APP

اسلام آباد ۔ 26 مارچ (اے پی پی) قومی احتساب بیورو (نیب) احمد ہمایوں شیخ اتے علی جہانگیر صدیقی دے ناں ای سی ایل اچ پاونڑ کیتے وزارت داخلہ کوں خط لکھنڑاتے آمدن توں ودھ اثاثے بنڑاونڑ تے کیپٹن (ر) محمد صفدر دے خلاف شکایات دی پڑتال دا فیصلہ کیتے ۔چیئرمین نیب جسٹس (ر)جاوید اقبال دی زیر صدارت نیب ہیڈکوارٹرز اچ ہک اجلاس تھئے،جیندے اچ کیپٹن (ر) محمد صفدر دے خلاف آمدن توں ودھ اثاثے بنڑاونڑ خاص کر مانسہرہ اچ 300 کنال زمین، 30 کنال دا پلاٹ، ہک کنال دا گھر، ٹاﺅن شپ مانسہرہ اچ فلور مل دے الزاماں تے شکایت دی پڑتال دا حکم ڈتے۔ اجلاس اچ کابینہ ڈویژن توں پی ایم گلوبل سسٹین ایبل ڈویلپمنٹ گول ایچیومنٹ پروگرام دے تحت 9 ارب روپے کیپٹن (ر) محمد صفدر کوں غیر قانونی طورتے ڈیونڑ دے الزام دی وی پڑتال دا حکم ڈتا گئے۔اجلاس اچ میسرز ایز گارڈن نائن اتے میسرز ایگری ٹیک لمیٹڈ ااتے بنھاں دے خلاف انکوائری اچ احمد ہمایوں شیخ اتے علی جہانگیر صدیقی دے ناں ای سی ایل اچ پاونڑ کیتے وزارت داخلہ کوں خط لکھنڑ دا فیصلہ کیتے۔