اسلام آباد ۔ 28 مارچ (اے پی پی)قومی احتساب بیورو( نیب) دے ایگزیکٹو بورڈنیب اجلاس؛ سابق منیجنگ ڈائریکٹر سوئی سدرن گیس کمپنی عظیم اقبال صدیقی، ممبر اسٹیٹ سی ڈی اے بریگیڈیئر (ر) اسد منیر، سی ڈی اے اتے عبدالولی خان یونیورسٹی مردان دے افسران ، پیر صبغت اللہ شاہ راشدی اتے سابق اے آئی جی بلوچستان عبدالقدیر بھٹی دے خلاف انویسٹی گیشنزاتے انکوائریاں شروع کرنڑ دا فیصلہ کیتے جڈاں جو سینیٹر سحر کامران دے خلاف انکوائری متعلقہ قوانین دے تحت توڑ پجاونڑ کیتے الیکشن کمیشن کوں بھجوائی ویسی۔نیب دے چئیرمین جسٹس (ر) جاوید اقبال دے زیر صدارت نیب دے ایگزیکٹو بورڈ دے اجلاس اچ عظیم اقبال صدیقی سابق منیجنگ ڈائریکٹر ایس ایس جی سی ایل، شاہد عزیز صدیقی سابق چئیرمین فنانس کمیٹی ،ملک عثمان حسن جنرل منیجر فنانس اتے بنھاں دے خلاف بدعنوانی ریفرنس دائر کرنڑ دی منظوری ڈتی۔ملزمان مختلف بے ضابطگیاں کرتے قومی خزانے کوں 1.174ارب روپے دا نقصان پچایا۔ نیب بورڈپیر صبغت اللہ شاہ راشدی اتے بورڈ آف ریونیوکورنگی کراچی دے افسران/اہلکاران دے خلاف انکوائری دی منظوری ڈتی۔ملزمان اختیارات دا ناجائز استعمال کرتے قومی خزانے کوں 212ملین روپے دا نقصان پچائے۔بورڈ بریگیڈئیر ( ریٹائرڈ ) اسد منیر سابق ممبراسٹیٹ سی ڈی اے، خالد محمود مرزا ،سابق ڈائریکٹراسٹیٹ سی ڈی اے ،ضیاءالرحمن طور سابق ڈپٹی فنانشل ایڈوائزرسی ڈی اے اتے بنھاں دے خلاف انویسٹی گیشن دی منظوری ڈتی۔ایں توں علاوہ عبدالقدیر بھٹی سابق اے آئی جی بلوچستان دے خلاف آمدن توں ودھ اثاثیاںتے انکوائری دی منظوری ڈتی اتے لوکل گورنمنٹ ڈیپارٹمنٹ حکومت سندھ دے خلاف انویسٹی گیشن دی منظوری ڈتی۔نیب بورڈسی اینڈ ڈبلیو ڈیپارٹمنٹ خیبر پختونخواہ دے افسران/اہلکاران، میسر ز میکا ٹیک پرائیویٹ لمیٹیڈ اتے بنھاں دے خلاف انکوائری دی منظوری ڈتی جنہاں قومی خزانے کوں2435.906 ملین روپے دا نقصان پچائے۔اجلاس سینیٹر سحرکامران ،سابق پرنسپل پاکستان انٹرنیشنل سکول جدہ اتے بنھاں دے خلاف انکوائری الیکشن کمیشن آف پاکستان کوںمتعلقہ قوانین دے تحت توڑ پچاونڑ کیتے بھجواونڑ دا فیصلہ کیتے۔
