اسلام آباد ۔ 7 مارچ (اے پی پی)اٹالین نیوی دے سربراہ ایڈمرل والٹرگیراڈلی ’ نیول ہیڈ کوارٹرزاسلام آباددا دورہ کیتا اتے نیول چیف ایڈمرل ظفر محمود عباسی نال ملاقات کیتی۔پاک بحریہ دے ترجمان دے مطابق نیول ہیڈ کوارٹر آونڑ تے پاک بحریہ دے سربراہ اٹالین نیوی دے سربراہ دا استقبال کیتا۔پاک بحریہ دے چاق و چوبند دستے معزز مزمان کوں سلامی ڈتی۔سلامی دے بعد معزز مزمان دا نیول ہیڈ کوارٹڑ اچ تعینات پرنسپل سٹاف آفیسرز نال تعارف کروایا گئیا۔ملاقات اچ پیشہ وارانہ معاملیاں اتے ڈو پاسہ بحری سانجھ بارے گالھ مہاڑ کیتی گئی ۔ڈوہیں ملکاں دی بحریہ فوج اچ تعاون دے مختلف شعبے تے وی غور کیتا گئیا۔پاک بحریہ دے سربراہ دہشت گردی دے خلاف جنگ اچ پاکستان دے عزم اتے کردار خصوصی طور کولیشن میری ٹائم کمپین پلان اتے بحری قزاقی دی بیخ کنی دے آپریشنز اچ پاک بحریہ دی شرکت تے روشنی پاتی۔ ایڈمرل والٹرگیراڈلی خطے اچ بحری امن تے استحکام دے سلسلے اچ پاک بحریہ دے کردار اتے خدمات کوں سراہیا۔
