اسلام آباد ۔ 27 مارچ (اے پی پی) وفاقی وزیر صحت سائرہ افضل تارڑ آکھیے جو گزریل ساڈھے چار سال اچ صحت دے شعبے اچ اصلاحات تے اقدامات متعارف کرائے گن ۔اپنڑے ہک بیان اچ انہاں آکھیا حفاظتی ٹیکیں سانگے عالمی اتحاد نال ویکسین دے پروگرام کوں بہتر بنڑاونڑ سانگے جامع اصلاحات دا آغاز کرنڑ تے پاکستان کوں ہک ماڈل دے طور تے پیش کیتے ۔انہاں آکھیا عالمی فنڈ تے گاوی نال پاکستان سانگے تعاون عالمی اقتصادی فورم پاروں حاصل تھے ۔۔ سائرہ افضل تارڑ آکھیا جو وزیراعظم دے قومی صحت پروگرام نال پاکستان اچ 31لکھ خانداناں کوں صحت دیاں معیاری سہولتاں ڈتیاں گن تے ہنڑ ملک غربت توں تلے زندگی گزارنڑ آلی پوری آبادی کوں اے سہولتاں ڈیونڑ سانگے عمل کریندے پیوں ۔
