اسلام آباد ۔ 12 مارچ (اے پی پی) وزیراعظم شاہد خاقان عباسی نال جوہری توانائی دی بین الاقوامی ایجنسی دے ڈائریکٹرجنرل نوکیاامانواسلام آباد اچ ملاقات کیتی۔ملاقات اچ پاکستان اتے جوہری توانائی دی بین الاقوامی ایجنسی وچال تعاون سانگے گالھ مہاڑ کیتی گئی۔وزیراعظم پاکستان اچ جوہری ٹیکنالوجی دے پرامن استعمال کیتے جوہری توانائی دی بین الاقوامی ایجنسی (آئی اے ای اے) دے مثبت کرداردی تعریف کیتی۔اتے پیش کش کیتی جو پاکستان جوہری ٹیکنالوجی دے پرامن استعمال سانگے بین الاقوامی سطح تے پائیدارترقی دے اہداف سانگے آئی اے ای اے نال ساجھے داری ودھاونڑ کوں تیار اے۔وزیراعظم آئی اے ای اے دے ڈائریکٹرجنرل کوں پاکستان اچ توانائی دی ترقی دے منصوبیاں اتے صاف وماحول دوست توانائی دے ذریعے انرجی مکس اچ جوہری ذرائع نال بجلی دی پیداواردی اہمیت تے بریفنگ ڈتی۔
