وزیراعظم شاہد خاقان عباسی دا سینٹ الیکشن اچ ووٹ پاونڑ سانگے قومی اسمبلی ہال آونڑ تے ارکاناں پرجوش خیر مقدم کیتے

اسلام آباد ۔03 مارچ (اے پی پی)وزیراعظم شاہد خاقان عباسی دا سینٹ الیکشن اچ ووٹ پاونڑ سانگے قومی اسمبلی ہال آونڑ تے ارکاناں پرجوش خیر مقدم کیتے۔ ہفتہ کوں وزیراعظم شاہد خاقان عباسی ووٹ پاونڑ سانگے قومی اسمبلی ہال جیکوں پولنگ سٹیشن دادرجہ ڈتا گیا ہا، آئے تاں وفاقی وزیراں تے ارکاناں انہاں کوں خوش آمدید آکھیا۔ ایںموقع تے وزیراعظم تے اسمبلی دے ارکاناں وچال خوشگوار ماحول اچ ملاقاتاں تے گپ شپ جاری رہی۔ وزیراعظم شاہد خاقان عباسی ووٹ پاونڑ دے بعد پیپلزپارٹی دے رہنما سید نوید قمر، اے این پی دے رہنما حاجی غلام احمد بلور اتے آفتاب احمد خان شیرپاﺅ نال ملاقات سانگے انہاں دیاں سیٹاں تے گئے اتے انہاں نال ملاقات تے خیالیں دا تبادلہ کیتا۔ سینٹ دے امیدوارواں مشاہد حسین سید، اسد جونیجو اتے بئے ارکاناںوزیراعظم دے نال پولنگ ہال اچ تصویراں وی بنڑوائیاں۔